冇辦法,我只可以行入個籠。
「行啦!肥蛯!」馬蛤𧊲拍一拍佢騎住嘅四足蛛,四足蛛立即跑起嚟。而啊康騎往四足蛛亦都跟隨肥蛯嘅步跋快跑。
「地下城嘅居民主要係螞族、黃蟬族、褐蟬族、地虎蟒族、飛螻蛄族、金針妖族、同埋四目蟲族。合稱七族。」馬蛤𧊲向啊康介紹地下城嘅特色「我吔嘅科技好發達,例如照明系統係使用一種叫光菌嘅真菌。呢種好容易培養,唔似人類咁樣使用低劣嘅電力。」佢喺之後嘅路途中都一直不停講,簡直就係超級話癆!
「好!我哋到喇!」馬蛤𧊲停低喺一個寫住「停蛼埸」嘅地方。嗰到有一大堆掛咗一個牌喺條度嘅四足蛛。仲有幾個人類奴隸喺到用塊抹布去抹乾淨四足蛛嘅幾丁質外殼。
「幫我好好睇實肥蛯同蛔仔,順便抹乾淨佢哋。」馬蛤𧊲扔咗幾個銅色嘅銀仔落地下。
「多謝!多謝!」嗰幾個奴隸立即一邊跪喺到執銀仔。
「麥先生,可以入去喇!」
入到去入面,我先至知道地下城嘅生物資源有幾豐富!
除咗之前見過嘅蠕熊、四足蛛,仲有一大堆以前冇見過嘅奇形怪狀嘅生物。其中,有一種同蠕熊一齊養嘅生物與眾不同。佢哋比蠕熊更強壯。全身都有包裹住深色嘅外殼。頭部有啲似鈥形蟲,不過除咗鈥形蟲,亦有啲個體有好似獨角仙、兜蟲、金龜咁嘅頭部。
「麥先生,呢度就係我哋嘅國獸─金龜熊!喺女皇開國初期,金龜熊用作開僻通道,對依家地下城嘅繁榮功不可沒,淨係得好似義軍官咁嘅戰士先有資格騎乘。另外,嗰啲肥肥白白嘅動物係金龜熊嘅幼體,叫蠐螬熊。」馬蛤𧊲又喺一個奴隸手上攞一碗疑似麥芽糖嘅液體「呢一盤叫「甜樹漿」,係金龜熊嘅主食。因為金龜熊冇可以咀嚼用嘅口器,所以淨係可以食呢種流質食物。試唔試吓?好好味㗎!」




「呃…唔使喇,唔該。」啊康答返佢。
「咁算喇!反正喺地下城嘅料理,甜樹漿嘅地位等同於湯汁,冇可能食唔到㗎!」馬蛤𧊲用手指挖咗一啲放入口「嗯!好味!」
已有 0 人追稿