我好鍾意玩通靈遊戲，今鑊我瀨咗嘢: 開端

我返咗嚟，原來真係返到嚟，原來只係過咗三年⋯⋯好混亂，興奮、期待、迷惘、擔心，但明明知道要做啲咩。
我行行下道門突然發光，竟然開到，仲去返果道。我好驚，我唔想再擰唔開道廁所門，我係咁震。望到啲刻字果下，我同時睇到聽到好多佢哋兩個相處嘅畫面，所有嘢好似刻咗喺我個腦道。我係我，又同時係佢，所以我一定要寫日記，記低啲嘢之餘，我要記得自己，記得你。
道門開到。我望住塊鏡，唔敢相信眼前果個係自己，我郁都未郁，個樣就開始唔同，所有嘢都精緻咗好多，連身材都變得好好(應該由A變D)，我想笑但笑唔出。我摸住自己，感受到心跳果下我好想喊，但唔可以，我要出去。
見到Dylan果下，唔知點解我即刻心跳加速，好多感受，好矛盾。佢好charm，但我好憎佢，但又好鍾意佢，唔想傷害佢。未等我自我介紹，佢已經強加咗果個身份畀我。家寶，你真係好傻⋯⋯但我明白，我哋都一樣咁傻。不過我係咪唔應該同情你呢？佢送我返屋企果陣一直望住我嘅胸，我竟然幾鍾意呢種感覺，點解會咁？
工人姐姐等我門(而我係知嘅)，我叫佢去瞓 ，之後周圍睇下，熟習下環境，好似發緊夢。我飲咗杯水，好自然咁吞咗，我以為我會咩都唔習慣，但身體記憶比想像中更神奇。家寶間房差唔多有我屋企咁大，但好亂。其實佢好好，係有時港女咗啲。
床頭有好多合照，我諗家寶真係好鍾意佢，我都好鍾意，好難形容。家寶就好似仲喺呢個身體以某種形式生存緊，或者係掙扎緊，佢依家一定好痛苦。繼承咗呢個身體嘅我，知道佢哋過去所有嘢，我忍唔住攤喺床不斷咁test，睇下我知幾多，仲有啲想寫份paper去講self identity,that would be fun but forget it, no time for it.
你放心，佢哋過得好好，細佬變到好麻甩。但我估唔到佢竟然用我嘅身份繼續生活，我覺得夠架喇。但我真係好掛住佢哋，好想見佢哋，我唔知自己想點但又好知，好亂，我想周圍去但又驚一唔喺佢身邊，佢就會去搵佢。或者我未寫完呢篇嘢，已經會跌返入去。

My dearest Elaine, 唔知你依家喺邊呢？希望你仲睇到呢篇日記。
Good night,sweet dream.




 ̶S̶e̶e̶ ̶y̶o̶u̶?
See you.