我好鍾意玩通靈遊戲，今鑊我瀨咗嘢: 第一日

我仲喺道阿！

家寶真係好了解Dylan，竟然諗到呢條橋，好悲哀但又好可憐，如果當初我用嘅係呢招，唔知會點呢？但點解每個人都會咁盲目信哂啲instruction？ 雖然我冇資格問。

今朝一醒我唔敢擘大眼，直到工人姐姐叫我食早餐，我好自然咁開始食嘢，感覺好熟悉，但食咗半碗通粉就已經飽咗，唉，真係細食，不過我繼續食，想試真啲個感覺，完全停唔到，搞到最後嘔咗。下次都係唔好咁樣玩自己 個身體喇，好冇？佢父母返哂工，我感受到佢嘅寂寞，仲要已經習慣咗，好慘，我諗返起以前屋企有幾嘈。

諗諗下我見到佢，係一種直覺嚟，12點幾起咗身，精神好差，李俊豪，觀音寺，我認真執靚自己，投其所好。天氣好好，我搭巴士果陣望出窗，喊咗出嚟，好唔真實，藍色綠色咩色都好原來全部都咁靚。除咗紅色。





李俊豪好似察覺我有啲唔同，但我覺得佢唔會留意到更多嘢。Dylan好大力咁扯咗我入去，好痛，隻手仲瘀緊，但入咗去一啲事都冇，入面仲超級靚同香！ 佢望實我，dunno why.

佢好flirty，我都係。

青春無限冇哂啲機，啲美好嘅嘢好似都會突然消逝。整緊相果陣，佢突然衝咗出去，睇嚟開始咗。LOST依然簡單，見到佢唔識又要扮識真係好過癮，我係咪應該扮下蠢呢？燒賣真係好好味，食臭豆腐果陣，我又忍唔住喊咗，我好想一直都可以食到呢浸萬年油味⋯⋯

香港真係好靚，特別係長沙灣深水埗一帶嘅舊區，每個角落我都想睇得清清楚楚，記低哂佢。我行到屋企附近間茶餐廳，好想飲杯奶茶但佢唔肯，好彩都有糖水食，食甜嘢真係好令人開心。

喺公園Dylan無啦啦想錫我，我當下想錫返佢，但我忍住咗，唔可以咁快畀佢錫到，啲男人都係鍾意啲得唔到嘅嘢（家寶嘅意識真係要處理一下）。佢咬都唔咬就吞湯圓，我即刻餵佢，唔想佢哽死。嘻。





你一定一定要記住，佢好自私好衰，千祈唔好心軟，唔好畀呢個身體呃到。
我聽完竟然好心虛，我唔鍾意呢種感覺，做錯嘢嘅根本就唔係我！ 我即刻攬住咗佢，驚佢亂諗，佢仲無啦啦叫我返去，嚇死。
唉。
應該要點呢？真係要⋯⋯？
我要諗諗。
但我要你記住今日食嘢果陣嘅感覺，絕對唔可以習慣。





I won't let you down.