學車情緣: 學車的第二課

第二堂的課堂只是相隔幾天便開始了。 

她約了我在停車位前見面。遠遠見她緩慢地走來，我熱情地對她揮手，但她卻冷淡地回應︰「你俾張上堂單據同埋學牌俾我啦。」 我心想︰「不是吧，這麼冷酷。」 這樣便結束了上堂前的開場白。 

「同學，麻煩你幫我係行車紀錄簿上面簽返個名。」 「咦，但我上次唔洗簽既？」 「我上次漏左。」她緊張得滿臉通紅，我卻不經意地笑了出來。 

今天課堂一開始，也是在學院內兜圈熱身及在斜路開車和停車。不同的是，她已經沒有拿她的行車紀錄簿當作軚盤。 

「唔好意思，其實我想問下，點解我每次係斜路拉上手制後，想拉返手制落去，會咁難既？ 但我見你好輕鬆就做到。」 「你仲好講，你知唔知上一堂你將個手制拉得咁實，我幾辛苦先拉得返落去！」她作狀打了我一下。  





練習完上一堂教的知識後，她指示我將車輛駛入考試泊位。 「我今堂會教埋你泊車同調頭。」 「咁快學泊位，我驚好難掌握。」 她又作狀打了我一下，說︰「早點學之後上堂可以練多點，先可以保持記憶！」 

她的講解是仔細的，甚至乎有點像物理學講師，給我分析每一個扭軚偏差帶來的後果；只是她不知道我是唸文科的，根本聽不明白。 

「我做一次示範俾你睇，之後到你做返俾我睇。」  我照着她的示範把車輛泊好後，落車一看，沒有出界！「睇黎我資質都唔差，第一次都泊得咁靚。」我得戚地說。 「仲有進步空間呀，最尾果下扭軚早左。」她沒好氣地回應。 

練習了無數次的泊車及調頭後，眼見差不多到課堂的尾聲，便打算與她道別。「咁快想落堂啦？仲有十五分鐘喎。」 「乜一堂唔係得一個半鐘咩？」我大感不解。 「上一堂早左落堂，應承左你會補返時間俾你。」 

這小事我早已忘了，她卻記在心頭。(待續)