學車情緣: 開始出街的學神

第三次的課堂，也是在平日放工的晚上。 

一如以往，她約我在停車場見面。「俾你張單據…」 「單據同埋學牌都係度。」還沒等她說完，我便笑着把她需要檢查的東西交出去；而她也露出一個微笑，一副「沒好氣」的樣子。 

「較好座位，我地先練一練泊車、調頭，然後駛出街。」她一邊填寫着行車紀錄簿，一邊認真地說。 

「等左你兩堂，終於約到你出街。」我調皮地回覆。 

她的臉紅得像蘋果，然而眼睛不敢直視我，只顧低頭寫她的行車紀錄簿。「幫我簽個名係度…哎呀，唔記得叫之前個學生簽名添。」 我又忍不著笑了一下。 





進行了數次的泊位及調頭練習後，她指示我把車駛離駕駛學院，準備前往正式的馬路上練習。 

「你係馬路上面手制唔好拉咁高呀，唔係轉綠燈果時拉唔返落黎，後面啲車一響號，你就會亂。」 「咁我上一堂臨走時拉既手制，你夠唔夠力拉返落黎呀?」我問道。 「都係有啲辛苦囉，你係咪天生神力?」她又作狀打了我一下。 

一舨學車的學生第一次駛出馬路時都會膽怯，把速度壓得很低；但我卻有點像青春期反叛的小男孩，在直路上把油門狠狠地踏下去。 

她也好像有些疑惑。「你之前係咪揸過車架?」 「係呀，其實我十幾歲讀中學果陣有揸過。」 我一本正經地回答。 

「咁你果時係邊度揸架?」「秋名山呀，仲同拓海一齊比賽添。」此時我已經忍不著笑了出來，她也跟着我一起大笑。 「咦，個車頭燈好奇怪，自己熄左既?」 「都話左你天生神力啦，打燈打到個車頭燈都熄埋，快點扭返著佢啦!」她一副沒好氣的樣子。 





「出左多石停車場入中線要望右盲區…」 「過左源順圍工業區之後左轉，要即刻cut 線，要打燈…」她不厭奇煩地說。 

「咁多規矩既? 平時我見D 車就咁cut 過去炸喎?」我有點不解。 「考車係咁架啦，要做比考官睇。你係咪想比多5千蚊考第二次呀。」她沒好氣地回應。 

引擎聲伴隨着我倆的笑聲及吵鬧聲；車輛在多石考線上奔馳。