🏫 👩🏼‍❤仲講中學生「應否」拍拖？不如講下「如何」拍拖啦！🏫 【校園】【愛情】【鬥智】: Ch.8.2 約定

夢嘅最終，我一人上路。

正如我而家咁，自從小學之後，就再冇見到Grace，亦見唔返Kelvin，大家都有各自嘅道路。

有人講過，當你好重視你個知己朋友，或者男女朋友嘅時候，你會當正佢地好似你家人咁，而家連我嘅潛意識都咁樣話埋俾我聽。

琴晚特別好訓，我發左個夢。個夢雖然我嘅身份古怪，但又幾溫馨。可能受「夏空」電視劇影響，戲入面嘅小夏、咲太郎同千遙係三兄妹，同我個夢似，日有所思夜有所夢。

而家係係7月20日嘅早上。



今日食乜好？唔⋯⋯

我打開雪櫃，見到雞蛋、火腿，得，諗好了。

拎起個煎pan，再諗返起琴晚嘅夢：雖然我在夢中仍然係個男性，但就以「家姐」嘅身份同Grace同埋Kelvin相處，似喺度玩角式扮演嘅遊戲。

「滋滋⋯⋯滋滋⋯⋯」落完油並且燒紅咗個鍋，油香味隨住滋滋嘅油聲溢出，我就開始煎隻蛋。

講真嘅，如果而家Kelvin，仲有Grace可以喺度同我一齊食早餐就好喇。



但可惜啦，夢就係夢，現實就係現實。

個夢發唔成，人都都係要食咗飯先㗎。

唔諗咁多喇，今日我同阿玲有個重要嘅約會。

大熱天時，上晝喺屋企上網玩agar.io；下晝出去九龍公園游水，游完水就收到阿玲WhatsApp。

阿玲：今晚收早，6點嚟接我啦
(一個咀邊心心嘅emoji)



竟然收早，即係我而家要趕返屋企換衫，要知道平時出街做運動，我唔會花心思打扮。

好彩而家只係4點。

我：ok

不過突然收早，即係可以去冰室食飯啦。

---new age cafe樓下---

時間18:00，夏天日長夜短，個天仲係蔚藍，旺角呢度已經人煙密集。

我搵左套男裝oversize嘅衫著，睇落蓬鬆，仲gel個頭黎接佢。



聽講一個女仔對住自己中意人物嘅時候，言談表現會同平時有少少唔同。

阿玲：Issac，你仲咩著到咁女仔嘅？
(笑喊tone)

有啲男裝衫，就係設計幾中性。

阿玲：頭先我遠睇你條褲以為你著裙。
(笑喊tone)

哦，原來係條褲蓬鬆先會有錯覺。

講返起阿玲嘅裝扮，佢一落黎，我就見佢畫左眼影，衣著方面，見佢全身日系風，上衣係少少oversize嘅短袖衫，下身係格仔短裙。

我一手輕輕摸佢個頭，然後微笑稱讚道：你個頭好香呀！



阿玲：我今朝早先洗完頭嘛！
（臉少少紅了，不是一般的害羞。）

我：嚟啦，我帶你去一間冰室度食。

講嘅同時，我又拖起佢隻手，一齊喺條都幾人山人海嘅街上面行。

呢個係我第一次，感受到戀愛的體溫。

大家肩碰肩行路，我假裝到好似好順勢咁拖住阿玲隻手，唔止係手掌咁簡單，就連大家的手臂都有機會擦到。

呢種溫度，唔止係體溫咁簡單，還加上了心靈的溫度。

如此一拖手，就好似幾兩個導電體接駁埋一齊；只不過而家傳遞嘅，係一種心動。



阿玲：你係第一次拍拖？

我：你話呢？點為之第一次？
（我稍為鄙笑地問）

阿玲：唔⋯⋯

阿玲欲言又止，最後還是問道。

阿玲：咁而家算唔算？
阿玲：你隻手又真係幾舒服。
阿玲：令我有一種拍拖嘅feel。

說畢，我停低注視住阿玲的臉，然後二話不說雙手抱住佢，咀落佢條頸度。



阿玲又好順勢咁攬實我，佢又kiss返落我條頸度。

大庭廣眾之下，我哋唔理途人嘅目光。

我哋彷彿企喺十字路中心互kiss，時間就好似經歷咗幾百個日與夜。

身旁的路人，還有車子，也隨著呢幾百個日與夜，熙熙攘攘。

互kiss嗰一刻，完全冇咗時間呢樣嘢。