🏫 👩🏼❤仲講中學生「應否」拍拖？不如講下「如何」拍拖啦！🏫 【校園】【愛情】【鬥智】: Ch.8.3 約定
最後我哋行咗過百米嘅路，終於入到一間冰室度坐。
經過最新了解，知道佢x1都係phy，我心裡默喜，因為終於可以日日見面了。
我：點解你咁早放嘅?
阿玲：老闆好人嘛~
我地望左陣餐牌，然後叫埋野食。
阿玲：你真係唔打J㗎？你WhatsApp曾經同我講你係無性戀喎。
我：會嘅，但我唔同一般男仔剩係ff男女扑嘢嗰啲畫面
我：我係戀物type
講起性topic，或多或少都會尷尬。
阿玲：點樣戀物法？
我：女裝
阿玲：咁有冇試過做偽娘？
我：幼稚園時試過，但大大下就冇再扮過偽娘。
講起我嘅性生活，如果你問我中意男定女嘅話，我當然係中意女㗎啦。
不過如果俾人問到：你想同男仔攪定女仔攪？我就會諗一陣先答到：同女仔攪。
只不過，我係要等女仔埋到嚟問我扑唔扑嘢，我先會想到「扑嘢」呢樣嘢。
In general，「無性戀」係講緊一個人認為他人對自己缺乏性吸引力，或者低度性慾。再細分嘅話，有啲人真係討厭扑嘢，有啲純粹只係對扑嘢呢個topic被動啫；而我就屬於後者。
雖然唔一定扑嘢，但身為無性戀，都會想同個女仔攬攪錫錫。
我覺得而家見到嘅阿玲，同幾個月前嘅佢唔同左好多，可能返工見人見得多，所以唔再怕羞，我相信嗰度啲同事好關照佢。
dead air咗幾秒，我又問野。
我：你真係未識過男朋友？
阿玲：女朋友就有。
（暗笑地回道）
呢個世代，一個女仔話自己有女朋友好正常，都無須驚訝。
我：邊個邊個？
(我咀角上揚，盯住佢雙眼)
你：咪你囉，你平時教我功課嘅時候啲態度好似阿媽湊女咁，我唔當你係我女朋友都唔得啦。
題外話，我記得以前睇過一本書，叫做「男女心理大不同」，入面有一節講過，有時男人保留返7:3黃金比(7成男子氣慨，3成柔情似水嘅味)，咁先係最吸引女仔。
呢種心理背後嘅原因，係因為女仔除咗想要一個man啲嘅人之外，有時都想男仔可以溫柔細心咁對佢。
當然，係講緊今時今日嘅世代。你打開電視、電話，唔難發現好多男明星個樣整到男生女相咁。
但唔好忘記，你點玩都好，始終要做返男仔。
吹左陣水，飯終於到。
我叫咗一份黑椒豬扒意粉，而佢就食西蘭花炒鮮魷飯，大家仲有湯送添。
我：你再唔食野我就食埋你嗰份喇！
阿玲即刻放低電話食飯。食到一半，阿玲終於平心靜氣同我溝通。
阿玲：你識唔識希臘神話?
我：知少少啦～
以前我同過David玩過神魔同P&D，所以唔會完全唔識。
然後佢喺袋度拎左個禮物盒出黎，原來那是用紙盒盛載嘅洋式油燈。
阿玲：知你一定中意喺房間擺d咁嘅野，所以我專登買比你。
我：多謝你呀！你買咗幾多錢呀？
阿玲：係我frd幫我買架，都唔係好貴啫，百零二百蚊啦。
阿玲：你記住平時喺房發夢嗰時，要點著呢盞燈，因為聖火會保護你呀！只要有油就點到火喇。
(佢燦爛地笑道)
我：但話曬聖火都係普羅米修斯偷個啵
阿玲：但你唔覺得宙斯好自私㗎咩？有乜理由製造完人類，就唔比人類用火煮食，明明火係生活必須品嘛！
我突然明白點解希臘神話有咁多弒神事件，如果我係希臘神族，我都會反抗宙斯。
我：我問你一個問題呀？
阿玲：咩？
我：如果有一日我發夢發到唔理盞燈，攪到屋企火粥，咁你so call嘅聖火咪變左地獄火？
(我挑逗地說)
阿玲：到時我叫海神波塞頓救你呀。
妳個答案都有想像力。
我同阿玲食完飯，叫埋兩杯甜品。
阿玲：我有首歌要比你聽。
佢share耳筒比我，都幾好聽bo。
「I love it when you call me senoirta
I wish I could pretend I didn't need ya
But every touch is ooh, la-la-la
It's true, la-la-la
Ooh, I should be running
Ooh, you keep me coming for ya......」
首歌名係Senorita
由Shawn Mendes同 Camila Cabello合唱。
我立即攞電話出黎google，原來senorita 本來係西班牙文，意思叫：未婚女人，用廣東話型象化地表達，即係叫人地做：小姐姐。
阿玲：最近熱爆wor，youtube日日都見到排榜首。
我：聽歌詞，個背景天氣應該係夏天？
阿玲：冇錯，小姐姐。
(挑逗地說)
我：夠啦小妹妹，唔好再叫我姐姐喇。
(我終於忍唔住, 變回冷酷的臉)
「阿玲，你打開個口呀。」我也不禁示弱，拮件芒果餵阿玲。
「呀呀呀......UM」佢開心地吞左件芒果落肚。
阿玲：今個月尾，即28號開始，我有一個星期day off，想去長洲過夜呀。
我：咁不如我地去玩3日兩夜啦。
我：約你28號中午，由中環碼頭一齊出發啦。
我送阿玲一個微笑，而家我又可以更親密同佢一齊了。
阿玲：咁約定你到時見喇，我再wts你呀。
我：一言為定
說畢，我又摸佢個頭頂。
阿玲：哎呀，唔好攪我個頭啦，又俾你攪到亂曬。
我：咁我幫你梳返順囉。
最後離開冰室，我同啊玲勾手指尾互相對望，默許了長洲的約會。
多謝妳送我油燈，Senorita.