🏫 👩🏼❤仲講中學生「應否」拍拖？不如講下「如何」拍拖啦！🏫 【校園】【愛情】【鬥智】: CH.9.2 熱戀•夜
夜晚7點，我同阿玲嚟到海鮮街嘅一個攤檔食飯。
最後我地叫左一碟蒸䱽魚同炒通菜，連兩碗飯，仲有兩枝可樂。
阿玲：係啦，點解你咁有錢黎長洲玩嘅?
我：f.3 final考試考得好，阿媽咪出多d零用錢獎勵囉。
然後，我同阿玲又再次談到我阿媽嘅「零用錢獎勵制度」、家庭背景。
大家同樣來自單親家庭，呢個世界真係物以類聚。
人有補償心理，冇果樣，就想第二度攞返。因為阿玲缺乏父愛，所以想喺我度攞返?
而我，亦都因為Kelvin呢位好兄弟，令我有左動力去be strong，間接地令我鼓起勇氣，盡力成為一個有吸引力嘅男人。
阿玲：原來你都幾大食，但點解你食極都唔肥嘅？
阿玲望一望張檯剩餘無幾嘅餸菜，以為我食左好多飯咁。
我：男仔呢個年紀係咁㗎啦。
我：我呀媽以前成日煮魚食，一年365日都食魚，所以咪咁fit。
跟住我就開始講自己嘅事，諗返起中一嗰時，阿媽開始去澳洲做生意，嗰時已經同我講：阿仔，我希望你學識自立，唔好連煮飯都要我煮。
就係咁，中一時成日比阿媽叫我落手跟佢煮飯，再加埋學校嘅家政課，我就學識煮飯。
我：幽靈，我都識煮飯架，有機會煮你食呀。
喺度解釋下點解叫佢幽靈，係因為當我知道佢全名叫邱佩玲之後，我就攞「邱」&「玲」呢兩隻字嘅讀音出嚟，所以叫佢「幽靈」。
阿玲：嗱講好咗㗎。
佢唔介意我咁叫佢。
我：你下次想食咩呀？我剩係識煮家常菜咋。
阿玲：咁⋯⋯整洋蔥豬扒俾我呀。
說畢，我又夾舊魚肉落自己口度。
呢餐飯最後AA制，我哋又出去散步當幫助消化。
今晚，我地book左旅館，住在東灣海攤嘅附近，揀左個單位望海。
一check-in，行到露台，就見到月明星稀嘅夜空，再將視線由上轉移到下方嘅海灘，估唔到咁夜仲有人喺沙灘上點火篝。
火篝有直徑1.5米闊，雄雄烈火燃燒著用送貨卡板砌出嚟嘅火篝，有十幾個人喺度睇火，有啲人拎住水喉喺附近待命，而且附近都擺定咗幾桶大水喺度準時應急。
玩話童軍或者大學ocamp都知道，唔係起完火篝有佢燒就算，圍火玩嘅時候仲要不停向人群洒水，水係向天射嘅，如果唔係成件事好危險。
我同阿玲一齊企喺露台，觀望住眼前呢一片由火篝點亮嘅夜景。
阿玲：其實你中意我D咩？
阿玲微微轉身，又伸出雙手攬住我，眼神裡帶著一點撒嬌的神情；這瞬間大家嘅身體距離近到完全貼住。
我：樣靚、心地好。
我：仲有同你一齊時，我會覺得好開心。
同阿玲相處時，我會搵返以前同Grace相處時嘅嗰種開心。冇錯，又係補償心理作用，又係想從妳身上補償我的過去。
阿玲：咁朋友都可以開心㗎。
我：朋友嗰隻係三秋不見如隔一日嘛；但係每當同你一齊時，呢隻開心係一日不見，如隔三秋呀。
(我微笑著說）
阿玲用懷疑嘅眼神，思索了一陣，然後少少奸笑地回應我：唔⋯⋯信住你先啦！
我地傾左陣計，然後阿玲攞咗個藍牙音樂播放器出黎。
阿玲：你識唔識跳舞㗎？
我：小學時學過社交舞，但而家俾返曬老師。
講真㗎，真係忘記得七七八八。
阿玲追問落去，然後我又講返以前學跳舞，連埋比賽嘅經歷；對於Grace嘅事，我卻隻字不提；好彩阿玲都冇詳細追問。
我：我講完喇，你都好講俾我知喇。
阿玲：我以前學過現代舞啦，而家仲記得少少嘅⋯⋯
阿玲：不如我地今晚亂跳？
亂跳？好啦你中意啦。
最近Shawn Mendes, Camila Cabello合唱嘅Senorita極流行，Youtube點擊率在短短幾日就破億；再加上呢首歌亦係首次我同佢喺冰室食飯時，大家一齊聽嘅歌，因此象徵住我同佢啱啱情竇初開。阿玲就係咁順手地點唱呢首歌。
中意浪漫嘅我，都帶埋蠟燭燈黎長洲點，仲要係草苺味。
然後我地刻意將房燈較到淡黃昏暗，而我帶來的蠟燭燈就放喺床邊點著。
I love it when you call me señorita
I wish I could pretend I didn't need ya
But every touch is ooh, la-la-la
It's true, la-la-la
Ooh, I should be running
Ooh, you keep me coming for ya...
我地就喺室內播住音樂跳舞。
.
.
.
Locked in the hotel
There's just some things that never change
You say we're just friends
But friends don't know the way you taste, la-la-la
'Cause you know it's been a long time coming
Don't you let me fall, oh
當初我送野俾你果時，我話過我地只是朋友，但而家卻成為了真正嘅情侶。
我地冇開冷氣，原因係想享受下自然海風，諗到點跳就點跳，完全唔跟歌嘅固定動作。
我又再一次feel到好熱，是天氣的熱，還是來自阿玲的「熱」？
我拖住阿玲嘅手，雖然話亂跳、亂轉圈；但係至少呢刻大家嘅心意，透過呢雙手相連住。
但係，我又好心甘情願地沐浴在這種「熱」裡。
Ooh, when your lips undress me
Hooked on your tongue
Ooh, love, your kiss is deadly
Don't stop
我地又咀對咀互kiss，但是咀裡嘅舌頭，卻在做二人運動。人生第一次有呢種快感，繼續吧，唔好停。
一個熱吻可以維持最少幾分鐘，不，對我黎講已經係幾個鐘頭。
喺閉上眼互kiss嘅呢段期間，我個腦就好似同阿玲去另一個渡假聖地。
去左一個⋯⋯一個極空曠嘅沙灘，一個得我地兩個人嘅世界，旁邊冇任何人。
夜空有一絲絲嘅薄雲，明亮嘅月光照遍整個沙灘，空氣又濕又熱，彌漫住剛剛由地上蒸發出嚟嘅水氣，好似啱啱落完雨咁。
個海有少少浪花，弱弱地拍打住岸邊；聽到少少海浪聲，同埋間唔中海鷗飛過嘅叫聲。
我地喺沙灘中央起左火堆，然後伴隨熱血嘅音樂，無拘無束地跳舞。
願純潔的火焰，在仲夏的夜裡，照亮著沙灘上，正在歌舞的妳和我。
熱戀就好似飲熱咖啡一樣會上癮。
炎夏的夜裡，我好想同妳non-stop地跳舞，直到第二朝嘅日出。
呢一晚，我仿如渡過左一個極長、極長嘅熱夜，同妳來一場極長、極長時間嘅熱舞。