🏫 👩🏼‍❤仲講中學生「應否」拍拖？不如講下「如何」拍拖啦！🏫 【校園】【愛情】【鬥智】: Ch.7.5 人生的抉擇

---阿玲視角---

其實我仲唔係好肯定自己應該揀Issac定係Raymond好，因為我覺得始終Raymond條件係好啲；但係而家Issac又追到黎，Issac質素又幾ok嘅。

今日係7月17號，我決定返工時問樂琪意見。

樂琪：你一定追到Raymond架啦？呢個你諗啫。

我：但係Raymond條件始終好啲，聽講佢仲有錢過Issac，仲多女仔追wor。



樂琪：理想同現實係兩回事。
樂琪：同埋你有冇衡量過自己嘅實力？
樂琪：男神個個都想追㗎啦，但問題係自己襯唔襯得起佢先。

樂琪：咁多女追佢，你肯定自己唔會輸？如果你而家放棄Issac，全盤去攪Raymond嘅話，萬一失手呢？咁你咪咩都食唔到！？
樂琪：你仲細，未識諗，唔好俾電視劇嗰套影響到你。
樂琪：同埋希望你學識Risk prevention。
(平心靜氣地說)

​我：咁⋯⋯



樂琪：Issac條件已經好好架喇，你要知自己實力喺邊，然後搵個門當戶對嘅人，你要接受人生嘅唔完美。
樂琪：有好多女仔年少時都好似你咁，追求一個咁高分嘅仔，但好多最後知道自己實力襯唔起佢，都揀返同自己同level嘅男仔，平平安安過一世。

「唔⋯⋯」我頓時又無語，唔知點回應樂琪嘅說話。喺我心入面，我都係猶豫不決，而家有得必有失，我只能夠二選其一。揀Issac，我就冇咗Raymond呢個更好嘅機會；揀Raymond嘅話，又驚失手追唔到，最後乜都冇。

樂琪：愛情嘅嘢唔係你諗得咁膚淺only one and two
樂琪：你可以騎牛搵馬嘛，Raymond暫時追唔到，Issac條件唔差，而家又嚟到，梗係食咗先講啦，你可以之後再轉㗎
樂琪：同埋你真係要試過同唔同嘅男仔接觸過，你先知道你同佢夾唔夾㗎。
樂琪，而唔係，一味跟從社會俾你嘅意見。



俾樂琪講完之後，我個心結總算解開左。我已經15歲人喇，真係要咩都試下。

有時愛情呢家野，就係要試過先知道啱唔啱。

咁⋯⋯試下同Issac拍拖都無妨，反正呢3個月嚟大家都係相處得開心嘅。

---End of 阿玲視角---