🏫 👩🏼‍❤仲講中學生「應否」拍拖？不如講下「如何」拍拖啦！🏫 【校園】【愛情】【鬥智】: Ch.8.5 約定

---阿玲視角---

我終於約到Issac出黎。

今晚陪完Issac之後，我返到屋企之後，又喺WhatsApp上面同樂琪傾計，我又將今晚同Issac一齊相處嘅經歷覆述一次。

樂琪：Good job！我都話㗎啦，表白係唔洗講出嚟嘅。

我：所以我今次咪剩係喺畫度畫人名，其餘嘅一隻字都唔落。



樂琪講得冇錯，表白係有好多種，畫圖表達，都係一種比較高level啲嘅方式。

我喺一張心意卡裡面，夾住了兩張攝埋一齊嘅人名卡。

我好希望，現實之中嘅我哋，都能夠好似呢張心意卡咁住在一起；大家個心都住在一封心意卡裡，不離不棄。

樂琪：我相信Issac收到一定對你好開心！
樂琪：佢今日同你點呀？

我：佢約我去長洲


我：雖然我應承左，但係你知啦，屋企人好大機會唔俾我一個出面過夜。

我其實唔知點好，又想同Issac去玩，又唔知點應付家人，結果草率答應Issac。

樂琪：你唔洗擔心，屋企果邊我幫你攪店佢。
樂琪：話曬你屋企人咁相信我地之間9年嘅同學關係，何況喺佢地眼中，我又係好似你家姐咁。我會同佢地講「你同我一齊過夜」，佢地一定放心。

我：拜託你了。

樂琪：洗乜拜託，下次諗清楚先好應承人。


樂琪：加油呀！大個女喇你。

最後，佢send左張表示溫馨鼓勵嘅sticker。

樂琪又係我嘅精神支柱，由小學到而家，我有咩生活困難，都係佢比我意見多，而我家人都好信得過佢。

---End of 阿玲視角---