「燈鄧凳鄧燈凳敦凳躉凳躉……」
-
話咁快,《霹啪文壇頒獎典禮》已經嚟到第六日,繼續都係我澄叔為大家主持呢個頒獎典禮,今日係頒發最後一個由各位讀者投票嘅獎項-「最佳女主角」
-
霹啪文壇2020最佳女主角。
-
眾所鳩知,都係你喇,尋晚成為歐陽太嘅顏楚翹。
-
顏楚翹-《夾出一個她》飾演香港首富顏廣勝個女。平時對住男朋友(AKA老公)會成日撒嬌。佢嘅撒嬌成日令浚彥招架不住 。之前同屋企人反面,決定離家出走,踏上夾公仔之旅。佢嘅歷史真係講都講唔晒,都係等佢自己講啲威水史啦!
-




楚翹:「嘩!澄叔你俾頂咁高嘅帽我戴吖!」
-
嘻!講呢啲!而家你咁受讀者歡迎,陣間講你衰嘢,我肯定唔使撈啦!
-
楚翹:「返去揸巴士、夜晚落燒夜店幫手咪得。」
-
得條毛咩!之前夜晚唔準堂食已經少咗好多生意,而家柒婆仲要全日禁堂食,少咗好多生意,你知有好多食客特登落去係為飲啤酒吹水㗎啦!哎!唔緊要啦,而家好彩都有少少生意維持成本。嚟到頒獎典禮就唔好講特衰政府啲衰嘢喇。講返個獎先,有冇啲咩想 同讀者講。
-
楚翹:「多謝各位讀者鼎力支持,冇你哋都 冇我,另外要多謝未婚夫呢幾個月嘅照顧我,養到我變做隻幸福豬,我好慶幸當時喺天悅俾你夾走啦。真係好感恩你會相信一個素未謀面嘅女仔暫住喺你屋企,一住就住咗7個月。呢7個月入面,我哋度過咗好多時光。當初我離家出走,感到好徬徨,但有你嘅陪伴,我覺得好安心。你俾到好大嘅安全感我。喺呢度,我想用JW嘅「安全感」答謝你!可以共你迎風浪,準我為你掃走迷茫。」
-




仲有冇其他人想多謝?
-
楚翹:「當然仲要多謝蕊心啦!肯接納我呢個外人。有時夜晚又會同我傾心事,做我嘅樹窿,我覺得阿妹真係一個幾好嘅樹窿嚟,佢都俾咗唔少嘅好意見俾我。唔講唔知原來阿妹都幾多兵跟出跟入,仲多過我啲保鑣。我之前因為冇朋友,而且返學放學都有私家車接送,所以好少參加學校嘅活動,連水運會、陸運會甚至學校旅行都唔出席。而家有阿妹陪我去參加唔同嘅課外活動,雖然嗰陣時已經係預備DSE,但起碼我曾經都有一個好好嘅中學體驗,亦都因為咁,我都重新同啲同學打開話匣子,所以而家啲同學都約我去玩,真係好多謝阿妹。」
-
恭喜歐陽太榮獲最佳女主角。《霹啪文壇頒獎典禮》讀者投票出嚟嘅獎項去到呢度告一段落,聽晚22:00會頒發唯一一個由故事台內定嘅獎項「最佳音樂特效」。
-
聽晚見。

IG:chingchingstory