唔係吓話，我去咗《教父》世界！: 捌節
聽完個電話，又要開始做正經野啦。
我行翻去麵包舖。
「你做咩翻嚟？」巴頓先生講。
「我想借電話。」
巴頓先生指一指角落嗰吊櫃。
我行到去拉開門，轉盤式電話，冇問題啦，我識用。
但我發現我根本唔知賽德克先生電話。
「巴頓先生，賽德克先生咩號碼。」
巴頓先生行出收銀檯，一邊講：
「點呀你！電話簿都唔識用，咩年代架你。」
呢條問題真係有口難言。
「er...我識電話禁極刀。」
巴頓先生一如以往用迷惘嘅眼神望住我，之後講: 「你打畀邊個？」
「賽德克先生。」
巴頓先生打開隔離白色好厚嗰本野，之後講:
「嗱，呢本叫白頁，搵人就用佢架啦。」
「賽德克先生嗰頁我黐咗張便條，賽德克，應該係15號。」
巴頓先生讓翻個身位比我，行翻去收銀檯。
我將手指塞入電話個轉盤，轉過去，到咗彈翻轉頭，一切符合想像。
我攞起電話，然後等待。
大約一分鐘後，依然都係等待。
等，等，等。
三分鐘後，李克勤把聲都喺我腦入面都播完。
我決定放棄。
我問巴頓先生借咗紙同筆，決定用最原始嘅方法。
------------------------------------------------------------------------------------------------
我喺將封信賽德克先生攝咗落門入面，有種大功告成嘅感覺。
轉身，係冤家路窄嘅感覺。
係琴日個呀sir。
「又係你呀。」呀sir講。
佢揮一揮手示意我埋去。
「係呀，乜咁橋呀。」
「橋咩，因為你我先要巡埋呢面。」呀sir講。
「係咩，我請你食冬甩道歉啦。」
「行賄？」呀sir講。
「唔係，肚餓。」
空氣寧靜咗片刻。
「琴日先話自己有份工，點解呢個時間喺到？係邊到做野？」呀sir講。
「老細好人畀我放假，巴頓麵包舖。」
呀sir用非常懷疑嘅眼神望住我。
「巴頓麵包？我成日去，冇見過你啵。」呀sir講。
「我今日第一日翻工，但我請咗假。」
呀sir用更加懷疑嘅眼神望住我。
「好啦，越講越衰，我哋去舖頭食個冬甩證明好冇？」
-----------------------------------------------------------------------------------
就係咁樣，我畀呀sir帶咗翻舖頭。
喺門口，呀sir推一推我示意我行入去先。
「又翻嚟嘅？」 巴頓先生講。
「一場意外。」
呀sir行入嚟。
「奧雲，嚟買冬甩？」巴頓先生講。
「巴頓先生，我頭先捉到佢鬼鬼鼠鼠咁攝野落人哋屋企，佢話佢幫你打工，係唔係真？」 奧雲sir講。
巴頓先生望一望我，我擺出非常無辜嘅表情。
「奧雲，佢今日第一日翻工，佢係好人嚟架，只係講野古古怪怪啫。」 巴頓先生講。
奧雲sir眉頭緊皺，用非常疑惑嘅眼神打量咗我一陣。
奧雲sir轉身向巴頓先生講：
「我要冬甩，兩個，入佢數。」奧雲sir講。
巴頓先生一邊夾冬甩一邊又望一望我，我又趷一趷頭。
奧雲sir攞完兩個冬甩向巴頓先生揮手再見就自己行咗出舖頭啦。
我向巴頓先生投訴。
「我冇鬼鬼鼠鼠呀。」
巴頓先生講笑咁講:
「可能你個樣生得鬼鼠啫。」
我又講笑咁講:
「信唔信我去平機會告你呀啦。」
巴頓先生又係一如以往迷惘嘅眼神。
---------------------------------------------------------------------------------------------
我離開舖頭，決定行去市集為我嗰個物資缺乏嘅屋企入吓貨。
我托住個木箱行緊翻屋企。
就喺呢一刻，我望到個熟悉嘅身影喺對面街。
係菲兒。
我加快腳步追上去。
就喺差幾步追到之際，我決定放慢腳步。
我決定偷偷摸摸跟住佢。
我唔擔心菲兒會發現我跟蹤佢，我擔心嘅係畀奧雲sir發現我跟蹤緊個妙齡少女，到時水洗都唔清。
我心中充滿冤家路窄嘅陰影，不怕螳螂捕蟬，只怕黃雀在後。
我一邊望前面嘅菲兒，一邊望周圍有冇人跟住我。
行咗一段仔路，菲兒轉身行入一間房，用鎖匙開門行咗入去。
我發現原來佢住我隔離街咋啵。
我望一望錶，六點，我決定繼續做一個演員。
----------------------------------------------------------------------------------------------
叮！
菲兒開門。
「我過嚟煮晚餐架。」
「你點知我住喺到架？」菲兒講。
我應該講咩？跟蹤係我強項？命中注定畀我搵到你？
冇，我講唔出口。
「我查過白頁，仲發揮咗啲創意，毅力同堅持。」
菲兒用懷疑嘅眼神望住我。
「唔得，今晚唔得。」菲兒講。
「咁聽晚？」
「唔得。」菲兒講。
「咁後晚？」
「咁啦，星期六我會開個派對，你可以嚟，不過要帶禮物，畀十歲細路。」菲兒講。
「再見。」菲兒講。
菲兒就閂埋咗門。
十歲細路？
志田未來？《十四歲的媽媽》？我一邊思考，一邊行緊翻屋企。
翻到去，我發覺菲兒係唔係志田未來唔重要，因為買份禮物畀個十歲𡃁仔更加難。
我行翻去麵包舖。
「你做咩翻嚟？」巴頓先生講。
「我想借電話。」
巴頓先生指一指角落嗰吊櫃。
我行到去拉開門，轉盤式電話，冇問題啦，我識用。
但我發現我根本唔知賽德克先生電話。
「巴頓先生，賽德克先生咩號碼。」
巴頓先生行出收銀檯，一邊講：
「點呀你！電話簿都唔識用，咩年代架你。」
呢條問題真係有口難言。
「er...我識電話禁極刀。」
巴頓先生一如以往用迷惘嘅眼神望住我，之後講: 「你打畀邊個？」
「賽德克先生。」
巴頓先生打開隔離白色好厚嗰本野，之後講:
「嗱，呢本叫白頁，搵人就用佢架啦。」
「賽德克先生嗰頁我黐咗張便條，賽德克，應該係15號。」
巴頓先生讓翻個身位比我，行翻去收銀檯。
我將手指塞入電話個轉盤，轉過去，到咗彈翻轉頭，一切符合想像。
我攞起電話，然後等待。
大約一分鐘後，依然都係等待。
等，等，等。
三分鐘後，李克勤把聲都喺我腦入面都播完。
我決定放棄。
我問巴頓先生借咗紙同筆，決定用最原始嘅方法。
------------------------------------------------------------------------------------------------
我喺將封信賽德克先生攝咗落門入面，有種大功告成嘅感覺。
轉身，係冤家路窄嘅感覺。
係琴日個呀sir。
「又係你呀。」呀sir講。
佢揮一揮手示意我埋去。
「係呀，乜咁橋呀。」
「橋咩，因為你我先要巡埋呢面。」呀sir講。
「係咩，我請你食冬甩道歉啦。」
「行賄？」呀sir講。
「唔係，肚餓。」
空氣寧靜咗片刻。
「琴日先話自己有份工，點解呢個時間喺到？係邊到做野？」呀sir講。
「老細好人畀我放假，巴頓麵包舖。」
呀sir用非常懷疑嘅眼神望住我。
「巴頓麵包？我成日去，冇見過你啵。」呀sir講。
「我今日第一日翻工，但我請咗假。」
呀sir用更加懷疑嘅眼神望住我。
「好啦，越講越衰，我哋去舖頭食個冬甩證明好冇？」
-----------------------------------------------------------------------------------
就係咁樣，我畀呀sir帶咗翻舖頭。
喺門口，呀sir推一推我示意我行入去先。
「又翻嚟嘅？」 巴頓先生講。
「一場意外。」
呀sir行入嚟。
「奧雲，嚟買冬甩？」巴頓先生講。
「巴頓先生，我頭先捉到佢鬼鬼鼠鼠咁攝野落人哋屋企，佢話佢幫你打工，係唔係真？」 奧雲sir講。
巴頓先生望一望我，我擺出非常無辜嘅表情。
「奧雲，佢今日第一日翻工，佢係好人嚟架，只係講野古古怪怪啫。」 巴頓先生講。
奧雲sir眉頭緊皺，用非常疑惑嘅眼神打量咗我一陣。
奧雲sir轉身向巴頓先生講：
「我要冬甩，兩個，入佢數。」奧雲sir講。
巴頓先生一邊夾冬甩一邊又望一望我，我又趷一趷頭。
奧雲sir攞完兩個冬甩向巴頓先生揮手再見就自己行咗出舖頭啦。
我向巴頓先生投訴。
「我冇鬼鬼鼠鼠呀。」
巴頓先生講笑咁講:
「可能你個樣生得鬼鼠啫。」
我又講笑咁講:
「信唔信我去平機會告你呀啦。」
巴頓先生又係一如以往迷惘嘅眼神。
---------------------------------------------------------------------------------------------
我離開舖頭，決定行去市集為我嗰個物資缺乏嘅屋企入吓貨。
我托住個木箱行緊翻屋企。
就喺呢一刻，我望到個熟悉嘅身影喺對面街。
係菲兒。
我加快腳步追上去。
就喺差幾步追到之際，我決定放慢腳步。
我決定偷偷摸摸跟住佢。
我唔擔心菲兒會發現我跟蹤佢，我擔心嘅係畀奧雲sir發現我跟蹤緊個妙齡少女，到時水洗都唔清。
我心中充滿冤家路窄嘅陰影，不怕螳螂捕蟬，只怕黃雀在後。
我一邊望前面嘅菲兒，一邊望周圍有冇人跟住我。
行咗一段仔路，菲兒轉身行入一間房，用鎖匙開門行咗入去。
我發現原來佢住我隔離街咋啵。
我望一望錶，六點，我決定繼續做一個演員。
----------------------------------------------------------------------------------------------
叮！
菲兒開門。
「我過嚟煮晚餐架。」
「你點知我住喺到架？」菲兒講。
我應該講咩？跟蹤係我強項？命中注定畀我搵到你？
冇，我講唔出口。
「我查過白頁，仲發揮咗啲創意，毅力同堅持。」
菲兒用懷疑嘅眼神望住我。
「唔得，今晚唔得。」菲兒講。
「咁聽晚？」
「唔得。」菲兒講。
「咁後晚？」
「咁啦，星期六我會開個派對，你可以嚟，不過要帶禮物，畀十歲細路。」菲兒講。
「再見。」菲兒講。
菲兒就閂埋咗門。
十歲細路？
志田未來？《十四歲的媽媽》？我一邊思考，一邊行緊翻屋企。
翻到去，我發覺菲兒係唔係志田未來唔重要，因為買份禮物畀個十歲𡃁仔更加難。