唔係吓話，我去咗《教父》世界！: 玖節
食過自己煮嘅四十年代複古晚餐，開始漫漫長夜。
十歲細路會想要咩？咁複雜嘅問題，我讀完哲學都答唔到。
慶幸我今個漫漫長夜至少有個問題畀我思考。
正當我開始思考嘅時候，我發現我根本唔知個細路係仔定女。
我有個想法。
我決定落街散步，向住菲兒屋企散。
我行到去菲兒大門前，咩都望唔到。
我決定偷偷摸摸行入去花園望下。
我望入窗，無論菲兒定細路都望唔到。
不過我見到架單車，而上面貼咗張畫有閃電俠嘅紙，仲要初代嚟嘅添。
我相信我搵到答案，我決定從速離開，以免畀人當係偷窺狂。
-----------------------------------------------------------------------------------------------------------------
一覺瞓醒，星期三，距離派對仲有三日。
一如昨日，梳洗一番後，目的地依然係麵包舖。
打開門。
「早晨。」
「早晨。」巴頓先生講。
巴頓先生喺褲袋搵咗張卡片出嚟遞畀我。
「賽德克先生今朝嚟買麵包嘅時候叫你呢兩日下晝可以去佢公司搵佢。」巴頓先生講。
我開玩笑講：
「咁睇嚟我今日晏晝又要擺工啦。」
巴頓先生又講笑咁講：
「扣你早餐架啦。」
----------------------------------------------------------------------------------------
我喺餐檯食住個牛角包，飲住杯紅茶，我諗起樣嘢。
「巴頓先生，你嗰女生日個陣，你送咗啲咩？」
巴頓先生傻笑咗一笑。
「我嘅愛。」巴頓先生講。
「咁如果你個女十歲生日，你會送啲咩？」
巴頓先生笑笑口咁話:「我老婆派你嚟架？你同佢講我唔會話佢知架。」
「唔係呀，我要送份禮物畀個十歲細路哥。」
「咁我諗你最好思考埋送咩禮物畀兩歲細路女，我個女下個月生日啦。」巴頓先生講。
突然之間，我望到巴頓先生個啲短鬚，愛女深切，我諗起鋼鍊入面嘅修茲先生。
「巴頓先生，應承我，你盡量唔好去電話亭啦。」
巴頓先生非常之迷惘。
「巴頓先生，你有冇養狗架？」
「冇。」巴頓先生講。
「盡量都唔好啦。」
------------------------------------------------------------------------------------------------------
經歷完一個上晝嘅工作，又到午餐時間。
「湯姆，食埋午餐先走。」巴頓先生講。
「食咩？」
「你好彩啦，千層麵，我老婆整架。」巴頓先生講。
巴頓先生講完，就喺工作檯底攞咗盤千層麵出嚟放入焗爐。
唔洗一陣，焗爐就傳出陣陣香味。
巴頓先生攞盤千層麵出嚟放落餐檯，搭多咗句：
「我老婆煮野好好食架。」
我內心懇求巴頓先生唔好再加深自己修茲先生嘅影子。
我轉移話題。
「知唔知邊到有得買相機？」
「附近有間相機舖，生日禮物？」巴頓先生講。
「係，加多小小心思就係最完美嘅禮物。」
---------------------------------------------------------------------------------------------------------
巴頓先生同我講卡片上嘅地址都好遠吓，我決定搭的士去到賽德克先生嘅工作地方，望住沿途風景，當認路都好。
截到架的士，畀張卡片司機睇，就出發啦。
上車頭一開頭都非常興奮，望住周圍都非常之有新鮮感。
但過多咗陣換嚟嘅係不安，的士一步一步咁駛離市區，陌生嘅地方配上個陌生嘅的士司機，我心入面嘅不安令到我又開始胡思亂想。
點解仲未到架？
個的士司機係唔係想車我去郊區打劫我？
定林過雲咁款會肢解人架？
慶幸駛離市區後一陣就到咗啦。
畀錢落車，發現車錢仲比想像中平添。
落車望到嘅係一道鐵閘，鐵閘後面係一大片石屎地同幾棟佔地唔少嘅建築物，上面仲有雷達嘅添。
鐵閘前面幾個保安眼眼甘甘咁望住我，我尷尷尬尬咁行過去攞張卡片出嚟講：
「我搵賽德克先生。」
「好，請等等。」保安講。
其中一個攞咗部對講機出嚟講咗講，之後向我講：
「先生，跟我嚟。」保安講。
我跟住佢行，行過一大片石屎地，石屎地上面有用紅色油漆寫成嘅巨型數字。
我行入建築物，又係一片實驗用地。
我行到去角落有兩部𨋢，𨋢門打開，𨋢入面有兩個彪形大漢。
門口保安同兩個彪形大漢講四樓之後就走咗啦。
我一邊搭𨋢，一邊諗呢到咁重保安，仲要個個都冇名牌，火箭兵團基地咁款，好危險。
去到四樓，終於似翻個正常寫字樓。
「你好，你就係湯姆？」賽德克先生講。
講野嘅係個四五十歲，個樣和藹可親，有幾分似亞當薩維奇嘅人。
「係，你係賽德克先生？」
「係，去少人啲先傾。」賽德克先生講。
-------------------------------------------------------------------------------------------------------------
天井花園，我哋搵咗張檯坐低。
賽德克先生笑住口咁講：
「聽講你搵我搵咗好耐，仲差啲搞到上差館。」賽德克先生講。
「係，一場意外。」
「我自我介紹先啦，都好明顯架啦，我做雷達研究嘅，呢啲敏感野，保安當然嚴格啲啦，保安冇刁難你嘛。」賽德克先生講。
「冇，不過搭𨋢個陣換兩條女會過癮啲囉。」
「良好提議，我相信一眾男同事會同意。」賽德克先生講。
「我睇過你封信，你話你掌握通訊科技嘅未來，有超越半個世紀嘅科技結晶，而你需要我幫手。」賽德克先生又講。
「咁我就坦白講，封信好誇張，如果唔係寫住巴頓先生叫你搵我，我都唔會信你。」賽德克先生再講。
「封信係寫得誇張咗少少，但我的而且確
有件未來產品，我叫佢做手提電話，你可以理解佢為流動嘅電腦，可以上網，打電話，影相之類，而體積同塊厚身杯墊差唔多。」
賽德克先生聽完思考咗一陣。
「咁件野呢？」賽德克先生講。
我伸隻手入褲袋準備攞出嚟，但我突然停止冇咁做。
「我冇帶嚟。」
賽德克先生聽完身體微微向前傾。
「點解？」賽德克先生講。
「安全。」
「安全係指咩？部手提電話唔可以離開特定範圍？定係你搵完我之後又唔信我？」賽德克先生講。
「唔好咁講，只係小心為上啫，去陌生地方帶啲咁重要嘅野，危險嘛。」
賽德克先生又停咗停。
「好啦，我明白嘅，咁我哋換個地方，去麵包舖傾？」賽德克先生講。
「好。」
「有冇揸車嚟？」賽德克先生講。
「冇。」
「信唔信得過我？跟我車定想叫的士？」賽德克先生講。
「跟你車啦。」
十歲細路會想要咩？咁複雜嘅問題，我讀完哲學都答唔到。
慶幸我今個漫漫長夜至少有個問題畀我思考。
正當我開始思考嘅時候，我發現我根本唔知個細路係仔定女。
我有個想法。
我決定落街散步，向住菲兒屋企散。
我行到去菲兒大門前，咩都望唔到。
我決定偷偷摸摸行入去花園望下。
我望入窗，無論菲兒定細路都望唔到。
不過我見到架單車，而上面貼咗張畫有閃電俠嘅紙，仲要初代嚟嘅添。
我相信我搵到答案，我決定從速離開，以免畀人當係偷窺狂。
-----------------------------------------------------------------------------------------------------------------
一覺瞓醒，星期三，距離派對仲有三日。
一如昨日，梳洗一番後，目的地依然係麵包舖。
打開門。
「早晨。」
「早晨。」巴頓先生講。
巴頓先生喺褲袋搵咗張卡片出嚟遞畀我。
「賽德克先生今朝嚟買麵包嘅時候叫你呢兩日下晝可以去佢公司搵佢。」巴頓先生講。
我開玩笑講：
「咁睇嚟我今日晏晝又要擺工啦。」
巴頓先生又講笑咁講：
「扣你早餐架啦。」
----------------------------------------------------------------------------------------
我喺餐檯食住個牛角包，飲住杯紅茶，我諗起樣嘢。
「巴頓先生，你嗰女生日個陣，你送咗啲咩？」
巴頓先生傻笑咗一笑。
「我嘅愛。」巴頓先生講。
「咁如果你個女十歲生日，你會送啲咩？」
巴頓先生笑笑口咁話:「我老婆派你嚟架？你同佢講我唔會話佢知架。」
「唔係呀，我要送份禮物畀個十歲細路哥。」
「咁我諗你最好思考埋送咩禮物畀兩歲細路女，我個女下個月生日啦。」巴頓先生講。
突然之間，我望到巴頓先生個啲短鬚，愛女深切，我諗起鋼鍊入面嘅修茲先生。
「巴頓先生，應承我，你盡量唔好去電話亭啦。」
巴頓先生非常之迷惘。
「巴頓先生，你有冇養狗架？」
「冇。」巴頓先生講。
「盡量都唔好啦。」
------------------------------------------------------------------------------------------------------
經歷完一個上晝嘅工作，又到午餐時間。
「湯姆，食埋午餐先走。」巴頓先生講。
「食咩？」
「你好彩啦，千層麵，我老婆整架。」巴頓先生講。
巴頓先生講完，就喺工作檯底攞咗盤千層麵出嚟放入焗爐。
唔洗一陣，焗爐就傳出陣陣香味。
巴頓先生攞盤千層麵出嚟放落餐檯，搭多咗句：
「我老婆煮野好好食架。」
我內心懇求巴頓先生唔好再加深自己修茲先生嘅影子。
我轉移話題。
「知唔知邊到有得買相機？」
「附近有間相機舖，生日禮物？」巴頓先生講。
「係，加多小小心思就係最完美嘅禮物。」
---------------------------------------------------------------------------------------------------------
巴頓先生同我講卡片上嘅地址都好遠吓，我決定搭的士去到賽德克先生嘅工作地方，望住沿途風景，當認路都好。
截到架的士，畀張卡片司機睇，就出發啦。
上車頭一開頭都非常興奮，望住周圍都非常之有新鮮感。
但過多咗陣換嚟嘅係不安，的士一步一步咁駛離市區，陌生嘅地方配上個陌生嘅的士司機，我心入面嘅不安令到我又開始胡思亂想。
點解仲未到架？
個的士司機係唔係想車我去郊區打劫我？
定林過雲咁款會肢解人架？
慶幸駛離市區後一陣就到咗啦。
畀錢落車，發現車錢仲比想像中平添。
落車望到嘅係一道鐵閘，鐵閘後面係一大片石屎地同幾棟佔地唔少嘅建築物，上面仲有雷達嘅添。
鐵閘前面幾個保安眼眼甘甘咁望住我，我尷尷尬尬咁行過去攞張卡片出嚟講：
「我搵賽德克先生。」
「好，請等等。」保安講。
其中一個攞咗部對講機出嚟講咗講，之後向我講：
「先生，跟我嚟。」保安講。
我跟住佢行，行過一大片石屎地，石屎地上面有用紅色油漆寫成嘅巨型數字。
我行入建築物，又係一片實驗用地。
我行到去角落有兩部𨋢，𨋢門打開，𨋢入面有兩個彪形大漢。
門口保安同兩個彪形大漢講四樓之後就走咗啦。
我一邊搭𨋢，一邊諗呢到咁重保安，仲要個個都冇名牌，火箭兵團基地咁款，好危險。
去到四樓，終於似翻個正常寫字樓。
「你好，你就係湯姆？」賽德克先生講。
講野嘅係個四五十歲，個樣和藹可親，有幾分似亞當薩維奇嘅人。
「係，你係賽德克先生？」
「係，去少人啲先傾。」賽德克先生講。
-------------------------------------------------------------------------------------------------------------
天井花園，我哋搵咗張檯坐低。
賽德克先生笑住口咁講：
「聽講你搵我搵咗好耐，仲差啲搞到上差館。」賽德克先生講。
「係，一場意外。」
「我自我介紹先啦，都好明顯架啦，我做雷達研究嘅，呢啲敏感野，保安當然嚴格啲啦，保安冇刁難你嘛。」賽德克先生講。
「冇，不過搭𨋢個陣換兩條女會過癮啲囉。」
「良好提議，我相信一眾男同事會同意。」賽德克先生講。
「我睇過你封信，你話你掌握通訊科技嘅未來，有超越半個世紀嘅科技結晶，而你需要我幫手。」賽德克先生又講。
「咁我就坦白講，封信好誇張，如果唔係寫住巴頓先生叫你搵我，我都唔會信你。」賽德克先生再講。
「封信係寫得誇張咗少少，但我的而且確
有件未來產品，我叫佢做手提電話，你可以理解佢為流動嘅電腦，可以上網，打電話，影相之類，而體積同塊厚身杯墊差唔多。」
賽德克先生聽完思考咗一陣。
「咁件野呢？」賽德克先生講。
我伸隻手入褲袋準備攞出嚟，但我突然停止冇咁做。
「我冇帶嚟。」
賽德克先生聽完身體微微向前傾。
「點解？」賽德克先生講。
「安全。」
「安全係指咩？部手提電話唔可以離開特定範圍？定係你搵完我之後又唔信我？」賽德克先生講。
「唔好咁講，只係小心為上啫，去陌生地方帶啲咁重要嘅野，危險嘛。」
賽德克先生又停咗停。
「好啦，我明白嘅，咁我哋換個地方，去麵包舖傾？」賽德克先生講。
「好。」
「有冇揸車嚟？」賽德克先生講。
「冇。」
「信唔信得過我？跟我車定想叫的士？」賽德克先生講。
「跟你車啦。」