明目•偷情 後話: 計分制 (1)

計分制 (1)
~~~~~~~


自從果日呀嫂同我 chok爆，感覺到之間嘅關係又邁進一步。

雖然唔係插入去爆，但始終都係經佢手引爆…

幾時先可以同佢搞返次嘢呢？



不過佢大姨媽嚟咗，搞嘢都要等等，急都急唔嚟。

大姨媽幾時走呢？

好…

打電話問功課。

決定咗就打俾呀嫂。



「喂。」呀嫂應機。

「係我呀。」

「係我？」呀嫂講：「呀我，你打嚟想約我？」

「我…」呀嫂份人真係好直接，又或者估到我打俾佢想做乜，所以一開口就講出我個目的。搞到我原本諗住講啲門面話都講唔到，一時間反應唔嚟，窒一窒先再講：「係呀，想約妳去睇戲食飯。」

「吓，又去睇戲？」呀嫂好似唔多想去睇戲咁，想直接去爆房？



「係呀，去睇戲食飯吖。」

「叫你諗啲節目，你又係想帶我去戲院搞嘢，無乜誠意喎。」

無乜誠意？？

去戲院好似係最安全喎…

俾人見到都可以解釋去睇戲，正常吖。

入到去烏燈黑火，伸手不見腳趾，揸揸摩摩、抽抽插插都可以喎…

唔係一個好去處咩？？

呀嫂又想去啲公開地方？？



好危險啫。

「咁妳想去邊喔？」我問。

「哎喲，我叫你諗、你就交返個波俾我！」呀嫂語調有啲唔老黎。

「呀我，你今次扣咗分。」

呀我…

我個新花名叫呀我？？

扣咗分…



有幾多基本分，今次又扣咗幾多？

扣滿幾多要停牌？？

「咁…」醒起佢唔鍾意轉彎抹角、吞吞吐吐，所以即刻講：「得，我plain返個超爽行程俾妳。」

「超爽行程？」呀嫂講：「點超爽先？」

點超爽？

「唔講住，俾啲神秘感妳。」呀嫂，超爽行程隨口噏，點講到個行程俾妳聽呀。

「果頭話睇戲食飯，哩頭又有超爽行程，你吹水呀？」

「吹水？」我講：「點敢對我個Molly吹水呀。」



「哈哈，你已經扣咗分，我未必係你嫁喇。」
 
唔係呱，扣一次分就要停牌…

我知道P牌衰咗係加長時間，要停牌嘅好大獲喎…

除非偷食斷正就話啫…

「我只不過…」嘢都未講完時，聽到呀哥把聲：「Molly，幫我攞啲廁紙入嚟吖！」

哦，有男人聲…

妳偷食俾我捉到，我都要扣妳分！



要呀嫂攞廁紙，即係呀哥開大喇。成日開大，我點放心要交呀嫂俾佢呀！

咦…

呀哥响度？

咁呀嫂點勾搭我呀？

「哦。」呀嫂應完呀哥，之後叫我等陣。等緊時個腦係咁轉…

轉緊今日有無機會食呀嫂。

叫呀哥讓一讓路，今日將呀嫂交俾我？

唔得哩個要求太唐突…

呀哥鍾意响屋企賭錢，報警拉咗佢？

聽啲聲好似屋企無其他人，加上佢開大應該唔係賭錢喎…

同佢講有批貨响大陸俾海關扣留咗，要佢親身上去搞？

都ok喎，橫掂佢又有北上，順便俾個機會佢去揼邪骨…

一家便宜兩家著，掂呀！！

當諗到計時，呀嫂接濟完呀哥返到我身邊…

應該係電話邊。

「嗱，我唔理你係咪吹水。」呀嫂講：「終之今次係第一次出街，如果我唔滿意嘅就unfriend。」

第一次出街…

即係上次打飛機唔計數？

Unfriend…

「Unfriend咁嚴重？」

「你試用期咁快就扣咗分，所以再犯就要即炒。」

交咗一次波就黃牌…

個波係交咗俾對家，擺烏龍？

咁似1994年世界盃，哥倫比亞果個艾斯高巴擺烏龍，返到去就俾人殺…

同呀嫂行埋，對外要冒住俾人發現嘅風險；對內要冒住俾呀嫂槍殺危機…

好危險…

要諗清楚到底條路要點行。

諗緊時，呀嫂同我講佢中午要做Facial，約會時間响黃昏開始。

都好，唔駛咁趕，我有多啲時間…

俾我諗清諗楚。
 
諗清楚今晚點安排，可以完滿呀嫂做晚餐。

不過佢姨媽走未呢？？

呀哥又走未呢？？

兩個改變唔到嘅因素諗嚟都無用，要諗都係今晚行程。

無助時，向天尋求打求係一個唔錯嘅辦法。

上次求天，指示我去戲院…

今次呢？

尋求指引時，由窗外飄來一份報紙…

報紙上，有一個本港活動主題。

一睇個活動，見到可以解決哂行街、食嘢、食呀嫂要求…

一粒出奇蛋，滿足哂三個願望…

感謝天！！




（待續）