明目•偷情 後話: 計分制 (2)

計分制 (2)
~~~~~~~



籌備好哂，約埋呀嫂會合時間地點之後，我就情逗初開咁等佢。

個心情就好似小學去旅行咁，興奮到成晚都瞓唔着，好開心咁等待天光出發。

而我就烚熟狗頭咁响度傻笑…



因為諗到陣間可經歷三重奏，實在太令人興奮喇！

傻笑時雙眼又四圍射…

要睇住有無熟人，更加要睇住呀嫂幾時到。

左望望…

無熟人、無呀嫂。



右望望…

都係無熟人、無呀嫂。

睇睇錶，由6點等到就嚟8點…

打俾佢，但係電話唔通。

上次打飛機，今次放飛機？？



佢嘅性格唔似喎。

有意外？

佢咁正，可能俾人捉咗去姦喎。

報警？

俾屋企人知道我約佢，水洗都唔清喎…

點好？

呀嫂…



妳在何處，馬小靈…

望妳脫險馬…小靈

「喂，自己响度唱歌咁high？」

突然有人拍我膊頭，回頭一望見到馬小靈出現！！

馬小靈呀嫂化咗妝著住條深色連身裙，條裙勁短好似著衫唔着褲咁，露出成對長腿；腳上著咗對黑色襪、黑色皮鞋。成個感覺又斯文又性感，好想將佢撕開嚟聞。
 
望完佢嘅衣著，望返佢個靚樣。一睇就俾佢鬧：「一嚟到就望我全身，想扣分呀。」

「妳咁靚，咁都唔望妳先要扣分喇。」講完之後呀嫂笑一笑，同我講：「靚都唔係咁望喇，你都傻傻哋嘅。」

我無回應佢，只係用個笑容回答。之後伸隻手出嚟示意同佢拖手，呀嫂都好爽快同我拖手。



再次感受到掌心溫暖，尤其係一個咁靚嘅女人傳出，手心溫暖更加溫暖。

當暖上加暖時醒起身邊好多人，身處地方又係地鐵站出口，極度容易撞到熟人…

拖手要即閃！

盡量滅低人羣前曝光時間！

我腳步唔慢，呀嫂可能feel到我驚俾人見到，就皺皺眉同我講：「你做賊呀？」

大鑊…

點答好呢？



答得差好易扣分，一停牌就無得入窿，要用手解決…

「唔係呀，遲咗去就會好迫呀。」

「遲咗去好迫？」

「係呀。」我指指啲途人，講：「妳睇吓幾多人去。」

講完之後呀嫂都望望啲人，然後講：「又係幾多人喎。」

「同我去邊度先？」

「去到妳咪知囉。」我哄個頭埋去呀嫂耳邊，好深情咁講：「Molly。」

講完之後Molly一絲甜笑，錫咗我塊面一啖。



「懶神秘。」

呀嫂個笑容好甜…

佢本身既青春、又有女人味，而家一個甜甜笑容有種少女味…

當然佢好年輕…

亦有可能因為佢錫咗我一啖，所以加分。

佢望住我，大家距離好近…

正常嚟計，應該攬住佢嚟個擁吻，作為約會嘅前菜。

不過眼尾望到好多人…

多人到唔知有幾多個係二五仔…

都係要避避風頭先…

Kiss哩樣嘢呀嫂爭住我，陣間連本帶利攞返。

決定咗又起步行，可能頭先解釋咗點解要快步，所以今次佢無詐形。

越行越多人，人多到迫…

去嘅地方，就係…

「你原來帶我嚟老蘭。」我未解說，呀嫂已經講咗。
「係呀，正呢。」

「老蘭成日嚟喇。」呀嫂表決時望見成條街擺設，就講：「咦，乜成條街都咁日本feel嘅？」

呀嫂咁講，係成條街都陳設日本擺設，例如；日本旗、日式路邊攤檔、相撲手打扮、日本中坑、三上悠亞…

一入到去就好似身處日本，係因為…

「日本秋祭嘉年華！」呀嫂望見橫額，又响我解說前講出。

呀嫂次次都搵出答案，睇嚟同佢拍拖唔駛講嘢。

下次插入去都唔駛講嘢…

不過如果佢唔肯我又無問，會唔會報警拉我強姦呢？



（待續）