上得床嚟牽被冚 (8)
~~~~~~~~~~~~


「去沖涼換件衫,之後我哋過大海。」
 
「過大海?」
 
「係呀,去玩返三日兩夜。」
 


「好吖,我而家去沖涼!」呀嫂好開心咁落床,離開咗我視線。跟住呀哥掛咗件衫响衣櫃門,將我視線完全遮蔽…
 
留返我一個响黑暗中渡過。
 
渡過一輪後,我部電話收到訊息。
 
「我哋走咗,你可以出嚟喇。」
 
呀嫂走咗…
 


呀嫂同呀哥走咗…
 
食咗兩次嘅Molly,係還返俾呀哥,做返呀嫂…
 
定係…
 
响衣櫃中,有咗另一決定。
 
响屋企床上,苦苦思量。
 


哩張床,係我張床…
 
思量嘅,係人哋老婆…
 
正確嚟講,係人哋未正式結婚,而家係我條女嘅人…
 
呀嫂Molly。
 
呀哥話帶呀嫂過大海,都去咗三日…
 
會唔會借過江為名,實質挾持呀嫂去密室禁錮,將佢外地強姦…
 
好似果日見到佢唔戴套,射哂啲精入去…
 
唔得…


 
我要搵呀嫂,幫佢脫離魔掌!
 
攞起電話,打俾呀嫂。
 
「嘟嘟…嘟嘟…」電話響咗一輪都無接聽…
 
俾呀哥捉住,要呀嫂禁言?
 
正想收線時,呀嫂終於聽電話。
 
「喂。」
 
「係我呀。」
 


「做咩呀?掛住我?」呀嫂佻情語氣,講出我心中所想…
 
「係呀,妳同呀哥去咗澳門三日?」
 
「係呀。」
 
「妳哋有咩玩呀?」
 
「無呀,行吓街,食吓嘢,入吓賭場囉。」
 
行街食嘢哩啲梗喇,呀哥挾妳去一定志不在此。
 
「仲有呢?」
 
「仲有?」呀嫂講:「搭船囉。」


 
「除咗哩啲呢?」
 
「無喇,去澳門來來去去都係玩哩啲喇。」
 
「咁…」我再問:「間酒店靚唔靚?」
 
「Ok靚喇。」
 
「咁…」妳哋搞咗幾多次?
 
「咸濕仔,打嚟係咁問即係點先?」
 
打嚟係咁問?
 


妳俾呀哥強姦,我係妳條仔問吓好正常啫…
 
好想問吓佢哋响酒店有無搞嘢…
 
不過又問唔出口…
 
唉…
 
「攰唔攰?出嚟吖?」想見呀嫂,所以我問。
 
「出嚟?去邊呀?」
 
「去海洋公園吖?」
 
「海洋公園?」呀嫂講。
 
「係呀,成日行街都悶喇。」唔想去既,直接爆房都無問題。
 
「咁好喇,你嚟接我?」
 
去呀嫂屋企接佢?
 
都好,俾呀哥霸咗呀嫂幾日,我要去佢屋企宣泄返我地位!
 
「我…」當我正想話著埋鞋就出發時,聽到有把男人聲講:「老婆,啲廁紙用哂嗱?」
 
老婆?
 
廁紙用哂?
 
次次出場都係開大,哩個男人唔駛講都知道係邊個…
 
已經佔有咗呀嫂幾日,返到香港仲唔收手…
 
可惡!
 
「廁所放咗好多廁紙呀。」呀嫂應完呀哥,之後同我講:「你講咩話?」
 
我講咩?
 
叫妳遠離屎怪呀!
 
「無…」我講:「咁陣間海洋公園等喇。」
 
「ok, bye。」
 
我嗱嗱臨換衫…
 
要將呀嫂從呀哥魔掌中救出!



                                                                    待續