上得床嚟牽被冚 (9)
~~~~~~~~~~~~


好快我就去到海洋公園,人山人海咁好多人…
 
會唔會撞見熟人呢?
 
不過人逼人咁,最多見到我哋一齊,未必會見到拖手嘅…
 


之前拖手無事,今次都唔會有事喇。
 
評估形勢後,見到呀嫂出場。
 
佢着住件白色背心,窄窄哋包住兩團圓圓,好圓允嘅感覺唔暴露但吸睛,一望就首先望到對嘢。
 
望完對嘢再望低啲,見到着一條短褲,露出成條白滑長腿襯白波鞋。望完個身最後望樣,呀嫂靚樣不變仍然係咁靚。
 
望靚樣時,呀嫂都望見我,甜美笑容同我打招呼。
 


「Molly。」我大大聲叫佢個名,佢跳跳紥咁過嚟…
 
跳跳紥嘅係佢對波,好有動感向我呼喚…
 
跳埋嚟想我揸佢。
 
「靚女,咁啱嘅?」我同呀嫂講笑,同時伸出手想拖佢。當掂到佢隻手時,有個黑影响旁邊出現!!
 
果個黑影,就係…
 


「咦!咁橋响哩度撞到你嘅?」
 
你??
 
點解你會嚟嘅??
 
見到佢,我都同樣覺得驚訝…
 
因為哩個黑影,就係我呀哥子浩…
 
佢知道我約呀嫂,所以跟埋出嚟?
 
呀嫂發覺呀哥跟住佢嫁咩?
 
我個腦實哂,唔知點答呀哥。呀嫂就講:「我哋三個去玩囉。」


 
三個去玩?
 
我約呀嫂,佢就叫埋呀哥去…
 
想玩二皇一后??
 
「子華,你約咗女?」呀哥忽然咁問,又搞到我莫明其妙??
 
呀哥,你問乜呀?
 
想吋我約呀嫂咪直接講囉,駛乜轉彎抹角呀!
 
屎怪!
 


我嬲到爆,無出聲堀住佢。呀哥都同我對望,一陣之後就講:「無女?你自己一個去海洋公園??」
 
呀哥大大聲話我一個去海洋公園,身邊啲同胞唔知係咪識聽廣東話,成班好似睇怪物咁望住我…
 
又一次撻着我!
 
玩嘢呀!
 
信唔信我而家就拖住呀嫂走吖喇!
 
「既然咁慘,我哋一齊去玩喇。」呀哥講:「我去買飛。」講完呀哥就去買飛,淨返我同呀嫂二個。
 
呀哥去買飛,唔做電燈膽咁識做,我團火忽然熄哂…
 
又可能因為靚女呀嫂响我面前,望住佢靚靚笑臉都無哂火…


 
尤其係佢行埋嚟,近在咫尺拖住我雙手,同我講:「無見幾日,有無掛住我先?」
 
拖…
 
拖住我?
 
呀哥只係行去買飛,佢竟然咁大膽拖住我?
 
我側側身望吓呀嫂背後行緊去買飛嘅呀哥,見到佢仍然向前行緊,望唔到我哋拖手一刻…
 
呼…
 
好彩啫。
 


個心定一定,視線落返去呀嫂到。一雙甜美紅唇好想嘴落去…
 
可能太耐無嘴,所以想用熱吻代替回答。
 
不過話哂呀哥响度,唔夠膽嘴囉…
 
「掛呀,所以妳一返到香港即刻搵妳囉。」我講:「咁妳呢?」
 
我問完,呀嫂就趷高雙腳嘴我一啖,然後笑笑口講:「唔話你知。」
 
嘴我?
 
我唔夠膽做嘅事,呀嫂竟然咁大膽去做?
 
佢背對住呀哥,唔會知佢買完飛未喎…
 
唔驚呀哥見到咩?
 


                                                             待續