上得床嚟牽被冚 (11)
~~~~~~~~~~~~~

我鬆開嘴唔再kiss,呀嫂疑時呀哥行到埋嚟,講:「買咗飛喇,我哋行喇。」之後佢用左手拖住呀嫂,向住海洋公園進發。
 
呀嫂右手被拖,佢隻左手有空檔…
 
我係咪可以去拖呢?
 
不過佢無向後伸手,即係無暗示我可以拖…


 
唉,都係算喇。
 
當入到去之後人羣更多,逼到好似維園年宵市場咁,而家唔駛錢呀!
 
不過呀哥俾,我又真係唔駛錢嘅。
 
人真係好多,搞到我响呀嫂左邊貼住行。佢隻左手手背掂到我,哩個係拖佢好機會喎…
 
Do It?


 
當諗緊拖唔拖時,呀哥將呀嫂拉向佢身邊,分離開掂到隻手…
 
屌…
 
心中埋怨時,呀嫂望望我…
 
佢個眼神就好似俾人捧打鴛鴦咁無可奈何…
 
其實呀嫂都想拖,只不過呀哥孤寒啫…


 
當無得掂呀嫂,睇住佢兩個拖手仔,行咗段被遺棄之路時,人羣無之前咁多,佢哋同我都拉開距離…
 
喂,你想拖我條女去邊?
 
已經無得掂喇,仲要拉走佢你過唔過份啲呀!
 
我開始有怒氣時,呀嫂側側身向我伸手…
 
佢想我拖佢?
 
不過我同佢隔咗有兩個身位,而家咁拖呀哥一定見到喎…
 
咁樣?
 


我唔敢拖時,呀嫂望住我講:「快啲喇。」
 
呀嫂講完,呀哥都望住我…
 
快啲?
 
呀哥直情望住,妳叫我拖手?
 
咁樣拖,即係直接同佢講我哋有路?
 
咁…
 
好似太大膽喎…
 
同呀嫂眼神對望,佢個眼神好似怪我唔夠膽…


 
不過已經唔係大唔大膽,而係明撬牆腳喎…
 
諗到明撬呀哥牆腳,有啲心虛唔敢同佢眼神交流。望低啲見到呀嫂側身,對波圓咕咕咁挺立,實在太誘人…
 
未驚完就想扯旗,但係都無辦法。
 
當我扯旗時呀嫂笑一笑,講:「快啲喇…」跟住用個口型同我講:咸濕仔。
 
佢咁講,即係見到我扯旗?
 
既然扯咗,拖就拖喇!
 
得到呀嫂應承,我伸出手果時呀嫂揮揮手,同我講:「行快啲喇,好多人排隊呀!」
 


行快啲?
 
佢伸手唔係叫我拖手,而係叫我行快啲?
 
唉,自作多情㖭…
 
頭先呀哥垂低頭行,而家輪到我抬唔起頭…


                                                                                               待續