上得床嚟牽被冚 (10)
~~~~~~~~~~~~


佢唔驚,但係我就好驚…
 
再望一望…
 
好彩呀哥未返到。
 


不過附近啲大媽响度眼望望…
 
望乜春呀妳,我同呀嫂啲嘢關妳春事呀!
 
咪諗住督香港人背脊呀,女人都照打呀!
 
唔知大媽係咪讀到我心,經內心咒罵後大媽遠離…
 
Very good!
 


當大媽閃咗之後,見到呀哥行緊埋嚟!
 
佢終於買完飛喇,要用甩手操…
 
甩開呀嫂隻手。
 
當我鬆開手指,呀嫂發覺到之後扣得更緊,問:「做咩呀?」
 
「呀哥返嚟嗱。」
 


「咁快買完飛?」
 
「應該係喇…」
 
「你好驚咩?」呀嫂輕渺眼神望我…
 
呀嫂拖住細佬,呀哥行緊過嚟淆底好正常喎…
 
望住呀哥,同我哋距離50尺…
 
佢時速1 km/h…
 
而家順風…
 
無計錯嘅話,佢1分鐘內會嚟到…


 
未嚟到前,佢都會見到我哋拖手仔…
 
仲唔放手,搏拉咩!
 
我想甩開佢隻手,但係呀嫂捉到好緊…
 
哩一刻就好似當日响酒樓咁。
 
但係今次唔同,上次只係親戚無呀哥,見到一定解唔到喎…
 
我驚到震,望住呀嫂…
 
呀嫂就笑笑口,講:「想鬆手咩?」
 


「無膽咸濕仔。」
 
無膽?
 
唔係有無膽問題,再大膽都唔會無縛繩跳笨豬jump喇…
 
望望呀哥,佢已經行到好近…
 
幸好佢垂低頭無望過嚟。
 
再一次望呀嫂,佢仍然笑笑口唔肯放手…
 
佢想一鑊熟?
 
點算好?


 
望住呀嫂紅唇,突然靈機一觸…
 
嘴落去!!
 
我突然同呀嫂kiss,果一刻世間好似停頓咗,大家無郁動週圍靜止無聲…
 
除咗心跳聲…
 
我個偷吻令呀嫂都緊張,心跳大到唔駛貼埋去都聽到?
 
唔知,我嘴落呀嫂雙唇時個頭微微轉側,一路嘴一路望住呀哥…
 
呀哥仍然好似地下有錢執咁,垂低頭望住地下行…
 


而我因為頭顱郁動、嘴唇同樣轉動,變咗啜嘴時唔再單調,由直向方式變成橫切方式去錫嘴。一個誤打誤撞嘅有技巧kiss撻着呀嫂,佢成身放軟捉住我隻手都鬆開…
 
就响哩個時候呀哥抬頭…
 
我即刻鬆嘴後退抹嘴,將證據完全毀滅…
 
唔俾呀哥捉到我痛腳!



                                                                              待續