[純愛]幻想: 第五章—忽然同居(下）

在海旁散心之後，我哋兩個一齊行返去屋邨，路上出奇地安靜，大家各自聽歌沒有說話。
-
當快走到屋邨時，兩人神同步「不如...」「不如...」兩個聽到之後笑咗，我心諗有冇咁夾呀。「你講咗先啦～」「不如你過嚟我屋企一齊搬野啦，我有啲嘢要拎過去你屋企。」「好呀，反正我得閒。」其實我內心好激動，咁大個人都未試過單獨去女仔屋企。
-
行多咗一陣，去到佢屋企。一開門，我忍唔住講咗一句「咁亂嘅.....」同我對女仔屋企嘅印象有好大分別，我仲以為每個女仔都係好整齊整潔...佢𢯎一𢯎頭，細細聲咁講「平時自己一個住所以冇點執嘢...」
-
可能你會問佢屋企究竟有幾亂，一入屋首先見到飯枱有食完嘅飯但係冇洗碗，跟住沙發全部都係衫褲鞋襪，書枱就成堆書喺上面，好唔整齊。我見到都流一流冷汗....
-
我行過去望一望佢啲書，竟然發現佢同我系同一間學校，不過佢大我一年。「原來你同我同一間學校？」「冇啊，冇參與學校活動所以冇咩人識。」「咁我咪要叫你做師姐？！」「講呢啲～叫...我姐姐咪得囉」講完呢句之後佢塊面紅左一下，不過當時我察覺唔到，於是繼續幫佢執咗啲衫褲鞋襪同埋書放入行李篋。咁樣就帶咗個女人返屋企住。
-


佢嚟咗屋企之後，完全係見到另一番景象。因為我屋企好整齊，因為我有少少潔癖，希望佢唔好黎住之後跟住屋企就會亂到傻咗。如果係咁我會喊出嚟...
-
「你屋企咁整齊嘅？」「冇啊可能我靚仔掛...講笑，因為我有少少潔癖，加埋我屋企人都會執嘢..」呢個時候我講嘢慢咗「好啦好啦我瞓邊間房啊？」佢即刻拉開左個話題「err...你瞓我阿婆間房得唔得？床單嗰啲之前都換晒，希望你唔好介意啦」「唔使咁客氣啦，有個地方比我住跟住有人陪我傾偈玩我已經好開心。」「好啦好啦我沖涼先啦，我沖完之後你沖啦。聽日返學我沖完涼就瞓覺啦」
-
沖完涼返入房之後，我瞓喺張床望住天花板，諗咗好多嘢，點解個女仔會咁好人黎我屋企住？唔通佢有其他目的？但係我身無分文，又冇錢，應該唔係咩綁架掛？我諗吓諗吓就瞓着咗。
—————————————————————-
女主視角：
沖完涼之後做咗一陣功課，又係諗咗一陣野。唉點解你會唔記得8年前講嘅嘢？嗰陣時你明明話要愛我一生一世，你變咗？點解會唔認得我？唉，希望趁呢段相處嘅時間可以令到佢記得我，依家佢屋企仲要咁慘...雖然表面上冇乜嘢，但係佢內心一定好辛苦，我一定要喺佢旁邊俾更多支持同埋鼓勵佢。
-
後日就係返學嘅篇章，btw6/9不會更新，相信大家都知道點解，如果唔知嘅話嗰日晏晝就去佐敦旺角行吓就知道㗎喇～