[純愛]幻想: 第六章—學校
男主視角
-
「無言的親親親，侵襲我心～～～」每日聽住你瞞我瞞起身，聽到習慣晒。梳洗完之後行去佢間房門門口望吓。嘖，仲係瞓到成隻豬咁樣，既然係咁煮兩份早餐先。唉，平時返學都係屋企人煮早餐，而家得返自己一個煮，諗到呢度內心又不免有幾分唏噓。
-
女主視角
-
「起身啦起身啦，遲到啦！」「仆街唔撚係掛？」正當我諗住衝落床換衫嗰陣...「我嚇一嚇你姐，而家先七點半，嘻嘻。」「衰人！既然係咁我瞓多陣先啦～」「唔好啦，我煮咗早餐你起身食啦」「下...但係我平時唔食早餐...」「特登煮俾你唔係唔食呀嘛？起身啦～」「好啦好啦今次聽你一次。」
-
我有啲不情不願咁起咗身，一起身個樣真係好頹，頭髮好亂，好似妖女咁樣。我簡單梳洗下之後就行咗出廳。佢已經食緊早餐，份早餐只係一份腸仔太陽蛋再加一個公仔麵，唔會好食但係都唔會難食，不過見到佢咁辛苦整俾我食，我已經好滿足了。
-
我食食吓嗰陣時佢已經換咗校服跟住拎埋書包準備要行出去，臨走嗰陣時佢俾咗條後備鎖匙我「我有時候夜晚同埋星期六日唔會咁早返嚟，比條鎖匙你等你可以開門啦，我返學先啦」「好啦，係喎你今日晏晝一唔一齊食飯？」「可以啊，放飯門口等啦」之後佢就出咗門口。
-
咁耐冇見過佢，唔知佢而家學校嘅生活點呢？
-
男主視角
-
我間學校係屋村學校，所以行3分鐘就可以返到去，完全唔使驚遲到，真係好方便。返去中四班房，第一句就聽到「Alfred你有冇事呀？使唔使陪你去飲下酒？」呢個係我好朋友jason，識咗兩年，真係好兄弟，乜都會幫我。此時遠處傳來一把清脆嘅聲「系囉，有事咪講，我同jason一定會幫你」呢個都係我嘅好朋友cathy，佢同Jason係死黨，唔講仲以為佢哋兩個拍緊拖添～「得啦得啦我依家冇事呀，老師嚟啊屌今晚再傾」
-
時間匆匆好快夠鐘，第一日返學都係黧下班長嗰啲無聊野，話咁快就放飯，jason系後面拍左我一下膊頭「Alfred一唔一齊去食飯啊？」「不了不了，約咗人。」「咁快有女女？！等你餐出pool飯」「我屌你啦，你同Cathy嗰一餐呢？」「收皮啦仆街，費事睬鳩你」於是我就自己一個行咗去門口等Grace出嚟......