[純愛]幻想: 第七章—自修室
男主視角
-
等咗10分鐘佢都未出嚟，我心諗佢唔係放飛機掛？再過多一陣我見到佢匆匆忙忙咁跑出嚟。
-
「sorry ah老師落堂遲咗」
-
「唔緊要啦我都唔係好肚餓，我哋快啲去食嘢啦。」其實我真係好肚餓，如果前面呢個唔係靚女，我已經屌柒咗佢。
-
學校附近商場其實都係得幾間快餐店，每日都係譚仔，大家樂或者麥當勞。由於佢遲咗出嚟，於是我哋去麥當勞買兩個包邊行邊食。
-
「系wor中五係咪真係好忙？」我邊食住個豬柳蛋漢堡邊問佢。
-
「真係好忙㗎，補課又多咗，成個氣氛都唔同咗添，所以你好好珍惜下中四啦。」佢放低咗佢個包答我
-
「得啦得啦，咁你放學有咩做？」
-
「我應該自己去自修室，你....你嚟唔嚟？」佢講最尾嗰句細聲咗跟住塊面紅咗。
-
「有靚女叫我去我一定會去嫁～」我望住佢咁講。
-
「妖，口花花，都唔知係咪真。」講呢句嗰陣時見到佢嘴角有啲上揚。
-
「係呀係呀咁放學門口等？」
-
「唔使啦，係你班房門口等我，我落嚟搵你，我要返去做埋啲嘢先啦一陣間見啦。」
-
「好啦咁我返上課室先，放學見啦。」
-
當我行入課室嗰陣時...有人突然係後面箍住我條頸..
「Alfred，咁快鍾意啲中五大姐姐，得唔得㗎？人哋仲要班花嚟㗎喎。」講呢句嗰個係Tony，佢把口就係咁口沒遮攔，不過佢好有義氣兄弟講咩都會幫手做，都算係一個好朋友。
-
「屌你唔好笑鳩我呀，你都有女朋友啦仲講呢啲？」呢個時候佢女朋友Kelly行到佢身邊
-
「哈哈，我就嚟要飛咗佢㗎啦～不過你竟然可以同中五嘅班花咁熟，你都幾勁。」佢兩個仲要係我前面拖手，我隻眼都盲咗。
-
「可能佢唔想比人哋知道我同佢嘅關係，我都係唔好同人講住先。」我心想
-
「你哋諗多咗啦，有機會再同你地講啦。」正當佢哋打算嚴刑迫供嗰陣時，老師行咗入嚟，佢哋唯有等下次先啦。
-
hea下hea下，話咁快就放學。當我執晒書包準備行出去嗰陣時
-
「喂陣間去唔去跑步？」Jason喺後面拍膊頭問我。
-
「下次先啦，今日有啲嘢做」我邊行出去邊同佢講。
-
「屌你唔好同我講係走去溝女。」
-
「一定係.....咁」正到我講呢句嗰陣時....
-
「Alfred，係咪行得啦？」聽到一把甜美嘅聲係我耳邊傳來，聽把聲已經認到係Grace。
-
「屌原來約咗中五班花，我對你好失望！重色輕友，冇兄弟做。」Jason個樣扮住失望同我講。
-
「下次陪返你，錫返你。」
-
「屌你我唔撚係Gay㗎。」
-
女主視角
-
「係喎咁多人話你係班花，你身邊冇好朋友或者狂花浪蝶咩？」我同你行去搭巴士嗰陣時佢問我。
-
「冇wor，上年係有好多男仔鍾意我嘅，不過每個都拒絕，佢哋覺得冇癮咪冇理我。跟住班女仔又以為我收兵又唔理我，結果我反而變咗邊緣人。」佢嘅語氣有淡淡既哀傷。
-
「咁老土嘅，我以為呢啲係CCTVB劇情，原來現實真係有㗎？」
-
「係呀，人總係妒忌㗎嘛，我都想有朋友陪我，所以寧願做普通人都唔想做突出嘅人。」
-
「唔緊要啦，而家咪有我陪你囉，你當我係你屋企人啦，同埋都唔係你問題，佢哋羨慕你好咋嘛。」佢笑住咁同我講。
-
「算吧啦你，講呢啲～」不過同佢短短相處左一日，又真係感覺到屋企嘅溫暖嘅，睇嚟我哋兩個都係互補不足。
-
自修室內
-
「點啊你係咪覺得凍啊」佢細細聲咁樣問我。
-
「啊...唔係唔係，你繼續做野啦。」其實真係有啲凍，又唔記得帶冷衫。
-
突然間有件冷衫放左係我背脊上面「仲話唔凍？你個人下意識震緊喎，着咗佢啦，驚你病親呀。」
-
「唔...唔該。」呢下我覺得內心真係好感動，終於有人肯關心我。
-
溫下溫下，咁樣就溫到19:00，自修室真係精神時光屋。
-
「我哋返去啦，我有啲肚餓啦，我今晚煮俾你食啊。」佢摸住個肚扮可愛咁樣同我講。
-
「冇你辦法，咁我哋走先啦，同埋男人老狗扮可愛真係好樣衰啊。」我內心始終不敵佢扮可愛。
-
男主視角
-
「我係你面前先會咁扮咋嘛」我心想。
-
話咁快咁就返咗屋企。「你去沖涼先啦，我而家去煮飯啦。」
-
「好啦好啦快啲啊，我好肚餓啊！」
-
佢行咗去沖涼嗰陣時，我喺雪櫃拎左僅餘嘅牛肉，同埋一個西蘭花，準備就咁炒個牛肉，蒜蓉西蘭花，再加一個罐頭湯。
-
我邊煮嘢食嗰陣時喺度諗，究竟佢會唔會成為我嘅屋企人呢？佢比我嘅溫暖同我好朋友比到嘅溫暖唔一樣，呢一種係有啲愛嘅感覺。不過我內心好快打消左呢個念頭，畢竟佢係女神呀嘛，我呢啲普通人佢點會在意～
-
-
-
開學開始有啲忙，可能之後會兩日或者三日先有一次更新。另外過多幾日會開始寫前傳，整體內容已經有框架，希望一個星期之後寫到。另外呢一篇開始會改下寫對話嘅方法，希望咁樣會表達得好啲。