男主視角
-
今日又如常到公園玩,我已經習慣呢一種生活,如果有一日見唔到佢我反而唔習慣添。講起嚟神奇,我呢啲咁摺嘅人都可以有女仔陪我一齊玩,都算係奇蹟。
-
「你今日咁快到既?」佢邊對住我揮手邊行過嚟
-
「今日冇咩功課呀嘛,咁咪早啲落嚟玩。咁不如我地玩千秋啊?」我指住個千秋講
-
「好ah,不過有人已經玩緊,我哋去隔離空地坐低等一陣啦」
-


於是我哋兩個慢慢行過去空地坐低等其實人玩完。
-
10分鐘....等到開始有啲悶。
-
20分鐘....「得未呀...有冇咁耐,佢哋識唔識讓人架,成個公園又唔係的佢地三個人。」我心諗。
-
30分鐘....「Alfred,佢哋玩咁耐嘅,去唔去問吓佢哋幾時玩完?」cindy拍一拍膊頭問我。
-
「好啦好啦我都想問,你等我一陣」於是我一個人行去佢哋三個隔離。
-


「你哋玩到幾時啊?可唔可以讓下俾我哋玩?」
-
「做咩要比你地兩個玩啊?!先來先到呀嘛」佢哋三個用不屑嘅語氣答返我。
-
正當我諗住繼續還擊嘅時候,Cindy行咗過嚟細細聲係我耳邊講「我哋走先啦,你再鬧落去我驚你會比佢哋三個打...」
-
「下...咁樣咪好唔公平囉...唔好啦..」我答返佢
-
「你睇吓人哋起碼小學六年級,萬一講唔埋佢哋黎打我哋,我哋真係走唔甩。下次先啦,我就唔信佢每一日都會嚟玩千秋。」佢拉我去一邊跟住同我講
-


「好啦好啦我聽你講,咁我帶你去一個神秘嘅地方啦。」我突然間諗起一個地方,以前我阿媽成日帶我去散步嘅地方。
-
「下?咩地方嚟?」佢用好奇嘅語氣問我
-
「行到去你咪知囉。」我故作神秘咁樣同佢講
-
我哋穿過鰂魚涌公園裏面一條橫過東區走廊嘅天橋,我哋兩個去到海濱走廊。呢個時候正值黃昏,天色有啲橙橙地,我同佢兩個望住個鹹蛋黃坐咗喺海旁一陣。大家都冇特別講嘢,只係靜靜地欣賞難得嘅美景。
-
坐多左20分鐘,「我要返去啦,你一唔一齊返去?」Cindy問我
-
「好啦...我都要返屋企食飯」於是我哋兩個就一齊行返返去。
-
呢種平淡貌似乏味的友情,但已經帶俾我好大嘅滿足感。希望永遠可以維持落去,然而現實總是不似預期,當你最開心的時候,他就會一棒打下去,讓你面對現實。
-
前傳寫多一章就應該完結。
已有 0 人追稿