女主視角
-
玩咗幾個月之後,已經熟絡到有時我會上去佢屋企玩。本身今日星期六我會去佢屋企玩,但除咗玩之外仲有另一個目的...我自己都講唔出口.....
-
兩天前
-
「下!!!咩話?點解突然間要搬走?!」我好驚訝咁問我阿媽
-
「唉,你又唔係唔知阿媽我之前差人哋好多錢...唯有賣呢度還返錢比人...我都唔想架!阿女,你要體諒我啊。」我媽用慚愧嘅語氣同我講。
-


「我哋會搬去東涌住,呢個係一個新嘅環境,你要重新適應。係喎,你咪同一個男仔好熟嘅?有機會快啲同佢講你要走啦,我哋後日就搬呀!」
-
我嗰晚成晚都瞓係張床度,都諗唔到點樣同佢講。我冇勇氣直接同佢講,我驚我自己面對唔到,於是我決定用一個好蠢嘅方法—寫信。我果一晚寫信邊寫邊喊...
-
「Alfred!!!你見到呢封信嗰陣時,我諗我已經搬走咗。我都唔想,識咗你呢個好朋友真係三生有幸,肯陪我一齊玩,忍受我嘅公主病。但係我要搬走,我哋有緣再相見啦。
祝 前途萬里 」
-
過咗兩日之後
-
我行到佢屋企門口敲敲門,佢好快咁樣開咗門「你食咗飯未呀?我阿媽留低咗啲Pizza喺度,你食唔食?」


-
「我食咗飯啦,不如我哋而家玩下uno啦?」
-
於是我哋一齊玩咗一陣。玩玩下佢突然間問我「做咩你係咁望住我塊面嘅?我塊面污糟左?」
-
「唔係呀你錯覺姐。」因為可能過咗今日之後就永遠見你唔到,當然要望多你一陣...
-
玩到夜晚五六點,我都係時候返屋企執嘢走人。於是我同佢做一個最後嘅告別
-
「我走啦,如果有下次嘅話再一齊玩啦!係喎我有封信想俾你,你聽日先開嚟睇喎」


-
「下...點解唔可以而家睇...」佢把聲好疑惑咁樣問我
-
「你依家睇,我同你絕交!」
-
「好啦好啦我聽日再睇,咁你過多幾日再上嚟玩喎」
-
「一言為定,之後見啦!」知唔知我講呢句嗰陣時我幾心痛。
-
好啦拜拜!我行出門口之後我忍唔住喺部電梯度喊,我真係接受唔到要咁樣分離。我嗰晚成晚都喺度喊,我想像唔到佢知道之後佢會點,我嘅情緒用咗幾個月先平復左落嚟,但係我內心永遠都會記住佢—呢一個最好嘅男仔。
-
回到七年後
-
「你做乜坐係間我房到嘅?」佢沖完涼行入嚟問我。
-


「冇啊入你間房望下咋嘛。咦係喎呢張相係咩嚟㗎?」我指住我細個同佢張合照,希望佢記得我啦~
-
「嘻嘻,遲啲再同你講,我好攰想瞓覺」
-
「衰人!我記住你呢句!你遲啲一定要答我!」睇嚟佢都係唔記得我。唉,一步一步慢慢嚟啦。起碼我同佢仲有緣份相遇,睇嚟我哋兩個可以再續前緣,一切都有機會。
-
前傳完—係喎咁點解女主角一開始唔係叫Grace呢?係因為女主角轉左新地方生活,於是連英文名都改埋。
-
遲啲會再出前傳講點解男主角會搬走,咁呢個前傳應該係我個人嘅真實經歷,可以期待下。
已有 0 人追稿