[純愛]幻想: 第九章—中史學會(下）

男主視角
-
話咁快就放學，嗱嗱聲去305室，唔知道會見到咩人呢？我懷着一顆期待嘅心行入呢個課室，一開門首先我見到Grace坐咗喺第一張枱枱面，之後見到麥sir坐咗喺老師枱，咁我估佢係我哋學會嘅指導老師。
-
跟住見到三張陌生嘅面孔，一個男仔兩個女仔。男仔同其中一個女仔都係平平無奇，個樣似一個普通文青，帶着一副圓框眼鏡，兩個人整體氣質同我差唔多，只係兩個都矮過我少少。
-
另一個就唔同，佢好靚女，同Grace不相伯仲，個樣都似好外向，完全理解唔到佢點解會入一個瀕臨收皮嘅學會。
-
「好啦好啦我哋認識下大家先啦，首先我係你哋嘅指導老師—麥sir，學校學會最起碼要有五個人，本來我以為今年呢個學會會腰斬，好彩我哋嘅新主席Grace搵到一個新成員返嚟，希望大家融合相處！」麥sir用十分中氣嘅聲音同我哋講，而我本身都幾鍾意呢個老師，教書好幽默而且教得幾好。
-


前面兩位文青同grace介紹完自己之後，就輪到我同嗰位靚女介紹自己。
-
「er...你好呀，我叫Alfred，我自己本身好鍾意中史，希望入到黎之後大家可以互相交流！」我當然唔會講係因為比某人威脅入嚟。
-
「大家好，我叫Angel，好高興認識你地，希望之後呢年我哋會愉快咁樣相處啦，大家加油！」我發現佢講呢段嘢嗰陣時完全望住我來講，搞到我嘅眼神不得不向上飄。
-
「好啦好啦，第一次集會我哋分三組傾吓計，互相了解吓大家啦！」系麥sir嘅分組之下，變咗我同Angel同一組，Grace同女文青一組，麥sir同男文青一組。
-
我同Angel相談甚歡，大家好多話題同興趣都好接近，傾到大家交換埋電話號碼，正當我傾得咁開心嘅時候，我感受到我後面有一股怒氣正在蠢蠢欲動...希望今晚返到屋企唔會死得太慘...
-


屋企
-
「大人放過我呀！」我苦苦地哀求，我從返嚟嘅路上已經被Grace係咁搣耳仔同埋搣手臂，我手臂已經紅咗一達達。
-
「我叫你入去學會唔係叫你溝女，第一日就同人地傾得咁開心！」佢講呢句嗰陣時，佢淪起佢嘅粉拳不停攻擊我。
-
「夠啦夠啦唔好打啦！你同佢有咩恩怨咩？」難得可以轉移話題快啲轉移。
-
「唉，佢就係帶領我哋班啲人bully我，我都唔明點解佢要入嚟呢個學會？」佢用一把疑惑嘅聲線問我。
-


「我都唔知呀，不過佢好似幾好人...」我講完呢句之後我個肚又俾人打咗下。
-
「你再講佢好人！我打柒你！佢扮出嚟㗎咋，你唔好同佢變得好熟添啊！」
-
「好啦好啦我聽你啦」睇嚟佢真係幾嬲，有機會我都想了解吓呢件事。
-
「咁就乖啦，咁我今晚煮飯俾你食啦～」
-
不得不說，佢嘅廚藝真係幾好，仲好食過我添，果然係自己一個住咗好耐嘅人。食完飯各自沖完涼之後就入返自己房做嘢。
-
「我真係好好奇佢哋兩個發生咩事，我係咪應該要問吓Angel呢...？」我喺床上面沉思咗好耐
-
今晚會再出人物介紹