[純愛]幻想: 第八章—中史學會(上）

男主視角(學校）
-
「各位同學，呢幾日系報學會既日子，今年學校有新規定，每個同學最少要報一個學會，記得上EClass報，咁我哋而家上堂啦。」老師講完之後，全場哀號四起，因為有唔少人平時都好摺，大家都唔想參加呢啲無謂嘅活動。
-
小息
-
「Alfred，你打算報咩學會？」jason系我耳邊細細聲問我。
-
「我都冇乜idea，屌學校真係好濕鳩，搞埋啲無聊野，系wor，我去中五搵下人先....」講完之後正當我想起身既時候，我個肚突然中咗一拳。
-


「呢個係對你有女女之後唔理兄弟既懲罰！」
-
「屌你，好撚痛！唔撚理你」我摸一摸個肚，之後就跑左出去。
-
我行咗上去搵Grace，同佢吹咗一陣水，吹水嘅地方由課室慢慢變咗走廊旁邊。
-
「我真係好頂唔順你啲同學咁樣望住我，搞到我好似咩大人物咁樣...」我好無奈咁樣同Grace講。
-
「冇啦佢哋覺得你係我新收返嚟嘅兵，佢哋要點諗我阻止唔到。」佢有啲感慨咁同我講返。
-


「係喎你揀咩學會？今年學校搞啲濕鳩野，你會入邊個啊？」我好奇問吓佢，不過佢呢啲咁外向嘅人一定會參加唔少學會。
-
「嘻嘻，我正想同你講呢個...Alfred!!!恭喜你加入中史學會！」
-
「下！！？我冇話過要入去喎？」唔記得同各位講我冇一科勁，唯獨中史全級第一。
-
「就算我本身冇識你，我都會嘗試搵你呢個中史全級第一入學會。更何況我係主席！你點可以唔入呢？！」佢用一個近乎命令式嘅語氣同我講。
-
「怕咗你怕咗你，咁咪入囉，最多都係quit學會姐。」我兩手一攤咁樣同佢講。
-


「哼，算你啦！今日放學四點鐘305室見，同埋我今日唔同你食飯啦，約咗其他人。」
-
「咁我搵返我啲朋友囉，放學見啦」聽到佢話約咗其他人食飯，我個心唔知點解痛左一下。等一等，呢個感覺應該錯誤.....我冇條件鍾意佢。佢係咁完美嘅人，我只係一個垃圾。如果我鍾意佢嘅話，有如鮮花插在牛糞上，我不敢想像。
-
今日好攰好攰，寫完呢篇文就瞓覺。