[純愛]幻想: 第十二章—逃避

女主視角
-
「鈴～鈴～鈴～鈴」我比鬧鐘嘈醒咗，起咗身閂咗鬧鐘之後，我諗咗一陣係我自己整定係Alfred 幫我整。
-
「唔係呀，尋晚瞓覺之前，我記得我都冇整鬧鐘，平時都係靠Alfred叫醒我。」正當我諗吓諗吓想落床嗰陣時，我隻左腳提醒返我尋晚跑步整親，不過支藥油真係好勁，今日最多都係行路要行慢啲同埋有少少痛，好似差唔多好返晒咁樣。
-
於是我慢慢行出去客廳，一出客廳迎面而來一陣香氣飄來，我望一望枱面放咗一碗餐蛋麵，隔離有張紙條。
-
「呢個係早餐啊，食完之後擺番啲碗入去，我會返嚟洗。食完記得準時返學啊><」
-


睇完紙條之後我行入佢間房見到佢一早返咗學，我更加百思不得其解，點解佢要特登避開我呢？我都唔介意佢整親我...算啦諗咁多都冇用，返學之後小息再搵佢～
-
經過沉悶嘅三堂之後，我急急腳行去佢班房搵佢，點知行到過去佢都係唔喺度。呢個時候佢個好朋友jason見到我嚟搵佢，於是行過黎同我講咗幾句。
-
「你係咪搵Alfred？」
-
「係呀你知唔知佢係邊啊？」
-
「我都唔係好知，不過我感覺你地兩個發生咗啲事，呢啲嘢放開黎講啦，兩個人收埋收埋對大家都唔好，雖然佢自從一件事之後成日都會收埋自己內心想法...」jason講到後面越講越細聲。
-


「佢以前發生咩事？佢三個屋企人？」
-
「唔係呀！乜原來佢未同你講？簡單講就係佢個EX嗰啲嘢，詳情你自己問佢啦。」
-
我聽到之後我好驚訝，原來我對佢都唔係好了解，我仲自以為我已經好了解佢，我個下內心有啲失望，咁睇嚟佢以前有好多不為人知嘅過去，希望我可以抽絲剝繭開解佢。我諗吓諗吓就行返班房，諗住夜晚返到屋企再問返佢。
-
放學之後，我自己一個去自修室溫咗陣書跟住六點幾返到屋企。一開門，又見到枱面有一碟肉醬意粉，同埋一碗餐湯，隔離同樣放咗一張紙條。
-
「食完之後放喺廚房，我會洗埋啲碗佢，記住做完功課就早啲瞓覺啦！」
-


佢始終都係唔知去邊...我好擔心，我wts搵佢，佢又唔理我。唉，我就唔信佢今晚唔返屋企，我一於唔瞓覺等佢返嚟...
-
於是我沖完涼，返自己房邊做功課邊等佢，值得我做吓做吓功課，一做就做到11點。正當我覺得好攰嘅時候，我聽到出邊有開門聲，之後有人細細力閂門跟住行咗入嚟.....
-
-
-
好攰～今晚得閒就更新埋下半部份啦。