[純愛]幻想: 前傳第三章—裂痕與失望
某一天晚上，我坐喺電腦前面同Jason正努力玩緊hypixel既bad wars。
-
「屌又輸撚咗，另外兩個隊友咁撚廢㗎。」我打到就嚟發脾氣。
-
「唔緊要啦，繼續打就會贏㗎啦！」佢仲係好有信心咁同我講。
-
正當我同佢想開一場新嘅時候，突然間有人打俾我，嗰個人係我同Lilian少數嘅共同朋友，佢叫David。畢竟我同Lilian住嘅地方又唔一樣，所以大家嘅交友圈子都係分開，嗰個朋友係有次Lilian帶埋佢出嚟玩嘅男仔，我同佢都算幾夾，所以有時私底下都會傾吓計。
-
「jason，你玩住先啦，我聽一聽電話。」
-
「我明白你去搵老婆大人，陣間見啦」佢講咗呢句之後就收線。
-
「David？咩事呀？咁突然打電話過嚟嘅？」一開始大家互相寒暄一番，之後佢就問我而家同女朋友點。
-
「嗯.....呢一兩個星期大家講嘢少咗，可能大家比較忙掛，之後我會搵多啲佢。」點知佢話有啲嘢可以話俾我聽，仲連續問咗三次係咪真係想知。
-
「我想講....你女朋友出軌...我都唔想同你講，但係我覺得你應該要知。」佢一隻一隻字咁樣同我講。
-
我靜咗一陣「你...認真.....？」
-
「我呃你做咩？我有截圖，我而家send俾你睇」於是我電話收到一張相。
-
張相有lilian同David既對話，我睇住lilian話已經對我冇哂感覺反而對個前度有返好感。我見到呢句已經心涼哂，我知道已經完咗。縱然David有勸勉我幾句，但係我決心已定，我知道一切都過咗。
-
碰巧，lilian突然wts問我「Alfred....你覺得我地仲有冇可能」我見到呢句再諗起cap圖，我內心無名火起，於是我直接同佢講「算啦，我哋分手啦。」
-
我打呢句，每一個字都代表我內心痛苦，我都唔想分手，系你逼我....
-
之後我內心覺得好去好散，於是我哋決定做返朋友。點知呢個決定，系我做得最錯嘅決定....
-
成件事有真有假。Btw希望睇到呢遍文嘅各位，可以去就近區議員辦事處或者街站去支持返被送中嘅12名手足。