[純愛]幻想: 前傳第四章—恐懼

分咗手我真係幾唔開心，雖然係我決定分手，但始終有啲不捨。於是都有同朋友去飲酒，做返啲分手之後會做嘅嘢，過咗一個星期之後其實我已經平復左心情，又係一條好漢，可以繼續生活落去。
-
但係事情永遠唔會咁理想，突然間系某天晚上，我突然收到一個電話
-
「Alfred，我哋可唔可以一齊返...？我真係好掛住你...」電話另一邊傳來喊聲。講真，果下我真係有心軟，畢竟喊係女仔最大嘅武器。但係我諗翻起我個朋友同我講「佢都系出邊搵返第二個，佢就算之後搵返你，都唔好同佢一齊，只會令到你自己受傷。」
-
於是我腦海記起返呢句說話，於是我好狠心同佢講「算啦我哋冇機會㗎啦，做返朋友可以，男女朋友就真係不了。」
-
「下..你明明掛住我，點解....？點解...？你係咪變咗？」我心諗其實係你變咗，咁都可以話返我轉頭？
-


於是我同佢不情不願咁傾咗一陣，本身我想收線嘅時候，佢突然間話「如果你而家收線我唔知我會做啲咩..？」我心諗，你唔撚係會去跳樓掛？我唔想背負一條人命，我真係負擔唔起。於是我俾佢嚇窒咗，我果一晚就變咗安撫佢情緒，之後佢冷靜返同我道歉，事情貌似就這樣結束了。難道真的如此嗎？當然不是啊！
-
第二日夜晚，我同jason去跑步，跑完步返到屋企樓下，佢突然間Wts我，本身又話已經放低咗我，之後同佢傾吓傾吓，佢本身問我點解會同佢講分手。跟住我心諗，咪就係因為你鍾意返你個EX囉，但係我又唔可以俾佢發現我知道呢件事，如果唔係David就會同佢冇朋友做，我陷入左一個兩難嘅局面。
-
於是我就用左一句「有啲嘢唔使知得咁清楚，對大家都好」呢一句簡直完美，完全塞住佢把口。最尾傾吓傾吓，中間有傾吓話佢想見我一面，但係我唔想見你呀嘛！我好驚到時會發生咩事，於是我不停拒絕。
-
去到最尾，跟住佢就話做咩唔可以再復合試吓？我心諗大家都變咗啦，有啲嘢冇第二次機會，唔係你想，我就一定要陪你。但睇嚟佢唔明呢個道理。最尾我真係好強硬同佢講話一定冇機會㗎啦，算吧啦你！佢先至肯死心。
-
嗰一刻我見識到呢個女人嘅恐怖，於是我聽返啲朋友意見，決定blk佢電話,wts,ig。點知佢第二朝竟然用discord,電話訊息等等千方百計嘗試搵返我。我心裏一涼，好彩佢唔知道我住邊度，如果唔係佢真係會嚟我屋企搵我...
-


之後又過咗一排....當我以為真係冇事。結果有一晚，有個朋友話有急事搵我。我即刻聽咗佢個電話，點知嗰件急事係我個EX竟然去搵佢叫我個朋友約我出嚟，我個朋友都唔知點做。
-
我個一下真係驚咗呢個女人，我真係覺得佢痴撚線，我同時對愛情失去左希望，覺得好似所有愛情都係咁唔美好...
-
最後又係靠不停嘅拒絕先令到佢死心。之後仲有我同女同學出街，跟住俾佢啲朋友見到，之後佢走去透過David，走去問我係咪已經有女朋友，我講講吓真係覺得呢條女痴撚咗線..我心諗佢係咪跟蹤狂徒.....
-
原本我都只係對佢有恐懼，點知之後知道嘅嘢令到我有恐懼變成憤怒....
-
-
-


好，功課又未做，跟住仲要手痕打咗呢篇野出嚟。崩潰🤦🏻‍♂️