[純愛]幻想: 前傳第五章—冷笑

又過咗幾日，難得有空閑時間可以睇吓以前買落嘅書。之前系書局終於買到我日盼夜盼既《我被寄宿到糖果女孩》！墨說真係寫得好甜，正當我沉醉於甜蜜的愛情故事上，旁邊的電話不合時宜地響起，將我拉出幻想的世界....
-
「David？咩事呀？唔係lilian佢又搵我掛？」
-
「唔係呀，我搵到啲cap圖，你睇完我驚你承受唔到...但係我覺得你需要知道。」佢越講越沉重，搞到我都有少少驚。
-
「唔好咁多廢話啦，冇事嘅。你而家比我啦！」我就唔覺得有咩特別，事後諗返真係寧願唔睇好過睇。
-
Wts對話：
-


Lilian：David，我講樣嘢俾你聽呀
David：咩事呀？你又要搵返佢？
Lilian：梗係唔係啦，我想同你講我一直都只係玩緊佢。
David：唔撚係掛？你認真？
Lilian：當然，一開始我都只係為咗用佢啲錢咋嘛，佢都買咗好多嘢俾我呀。我覺得好值得，Alfred佢真係好易俾人呃，我之前叫佢買一個名牌袋俾我，佢真係用佢嘅積蓄買咗俾我。當我用晒佢啲錢之後，佢就冇利用價值，咁我咪搵返我個EX，點知咁唔好彩俾佢知道。
David：屌你都幾仆街喎
lilian：我當你係好朋友先同你講。話說之後我同個EX唔夾，於是又不歡而散，之後咪打算搵返佢囉，點知佢竟然唔同我復合，就算我喊佢都冇心軟，都唔知佢幾時變得咁心硬。
David：咁你諗住點啊？
Lilian：冇啊繼續追佢掛，冇咗條水喉好唔慣，係喎，你千祈唔好同個戇鳩講返，畢竟佢呢啲摺友有女朋友咪算係咁囉。
David：唉，好啦。


-
「兄弟就係咁啦...我都知佢好仆街..」David都講到嬲嬲地。
-
「屌....唉，可能我真係摺友掛，佢又冇講錯..」我有啲無奈咁講
-
「我仲以為你會好嬲添？係喎你千祈唔好同佢講返，畢竟講咗，佢就知道係我講比佢聽。」David千叮萬囑同我講。
-
「冇咩好嬲啦，我咪唯有再摺啲囉，我對拍拖冇乜信心啦。」
-
「又唔使咁嘅，出邊大把女，唔急啦呢啲。我有嘢做收線先啦。


-
「好啦好啦，都多謝你同我講啲嘢。88」
-
之後我諗到一首歌：我是誰情人 始終也是你
微笑靜默互望 笑比哭更可悲—你暪我瞞。
我睇完張cap圖真係喺度笑，呢個笑係笑緊自己點解當初咁弱智，搵個咁嘅女朋友返嚟。
-
呢件事我冇同任何人講番，我淨係知我之後自己性格就摺咗，跟住對戀愛已經失去信任。
-
回到現在(男主視角）
-
「成件事就係咁啦，我係咪好戇鳩呢？」我攤開雙手同佢講。
-
「痴線關你咩事？擺明係條女有問題啦，我見到呢啲人，見一次打一次。」佢都聽到好嬲。
-


「講呢啲，算啦一切都過咗」我笑一笑答番佢，啱啱聽到佢講嗰句嗰陣時我個心真係好甜，好似真係有人在乎我。
-
「係喎，咁你而家對戀愛有冇返信心？」
-
「咪又係咁，呢啲嘢冇咁快好返。」我嘆一嘆氣答佢。
-
我哋之後又傾咗一陣之後我準備走嘅時候，我竟然隱隱約約聽到一句話佢以前都唔係咁㗎。
-
我返咗入房之後，我諗咗一陣。我心諗唔通我以前係識佢？雖然佢真係好似幾了解我，但係我對佢完全冇印象....不過諗呢啲都冇用，畢竟聽日有一件好重要嘅事要做...
-
開學之後有啲忙，之後更新都會慢啲。