他與她的故事: 相識
「你好！我叫蕉蕉啊！你係咪廣播組的組員啊？」一股略沉而沙的聲音傳來，是一位綁著馬尾，臉上有一兩顆青春痘，校裙外穿著一件深色毛衣的女孩。
「係。。。你好。。。請問有咩事？」椅子上，一個身型略顯臃腫，戴著一副方框眼鏡，聲線比常見的胖子少了一種厚重感，多了一股少年的感覺，與外型十分不相乎。
「我係度搵緊今日係放學之後係學校廣播講通告個位同學，想問下你有冇印像咁？」蕉蕉眼中充滿著好奇心，望著男生。
「哎～知嘅。。。」男仔目光偏移，好像在逃避蕉蕉的視線；雖然佢最自豪的就係自己把聲，但畢竟"聲畫不同步"，好難令人覺得佢就係廣播室講通告的男生。
「你有咩事想搵佢？我可以幫你轉告被佢知。」男仔扶一扶正番副眼鏡，繼續望向其他地方，雖佢希視力正常，但對於不自信的相貌，眼鏡係佢最後的防線。
「好啊！咁你同佢講人"你把聲好好聽啊，感覺好似係一個靚仔！希望可以繼續聽到你把聲！"」蕉蕉在說著話的時候同時坐向男仔望向的位置，嘗試著把視線對上。
「好。好啊！我會幫你轉達比佢。」男仔再次把頭轉向另一邊，神情緊張的回應著蕉蕉。
「好啊唔該你！係啦同學你叫咩～？」蕉蕉話講到一半就停左，因為男仔聽到唔該之後轉身就走左。
「呢個人咁怪㗎？」蕉蕉望住佢離開的身影，不置可否。
「喂！蕉蕉！差唔多要去上道理班啦！」
「哦！知道啦！」蕉蕉收拾一下自己的儀容後就離開。課室內，蕉蕉同同學坐埋一齊，討論緊功課，所謂的道理班其實說係同學老師一齊聽一陣道理然後祈禱，之後就自由活動，當中少不免會有過黎為左享受冷氣的學生。
「今日你做咩會同個肥仔傾計嘅？」坐蕉蕉隔離的女同學問起。
「冇啊，聽講佢係廣播組的成員，所以想知道講通告個靚仔係邊個囉～～」
「哦～原來係廣播室的靚仔啊，咁你慢慢搵啦，成間學校千幾個人，入得去先得十幾個，怕且你要搵成年囉～」
「係啊，講呢D，祝福下我唔得咩！」
「係啦，係啦，等我為你祈禱啊，希望個靚仔其實係個大肥仔！嚇到我蕉蕉BB有腳冇埞走～～」
「女人！你在玩火！」蕉蕉把手伸向女同學的腰，撓到佢周身郁，動靜仲漸漸大左。
「喂喂喂，話就話係自由時間，但如果太大聲就同我番出去啊」坐在一旁的女老師望見兩人在打鬧，便出聲制止，班上的其他同學望向佢地兩個。
「知道，牛姑娘～」女仔在坐下同時再之把手伸向蕉蕉的腰進行反擊，蕉蕉防不勝防地中招，並叫了一聲。牛姑娘再次望向兩人，蕉蕉立刻望向女同學，並拍了一下她的肩。過了一段時間，教室傳來一段輕鬆的音樂聲，是校園電台的常駐午後節目，有時還會有人主持閒談節目，當然少不了會有廣播室的靚仔的聲音。
「你估下今日阿靚仔會唔會做節目啊嗱？」女同學靠近蕉蕉耳旁說話。
「你唔好靠咁埋啦，好痕啊～」蕉蕉伸手擋在耳朵邊。廣播室中，男仔正坐在電腦前方，螢幕上正播放著Galdive的Cloud，那是他最喜歡的一首歌，因為那可以令他在這段時間放鬆身心；正當他向後靠在椅子上的時候廣播室的門被打開了，是廣播組的老師「喂！阿希，呢度有一份通告要你廣播。」