他與她的故事: 通告

冇錯，男仔叫阿希，點解叫做阿希，係十七年前的一日，阿希出左世，佢媽子認為佢係屋企的希望，所以叫個名有個希係度，但係個陣好多出世的BB都有個希字，所以其實都冇咩好出奇，反而阿希認為自己並不能為屋企帶黎咩希望；人生在世十七載，阿希一直都抱住"得過且過"的人生宗旨過世，不求成名，但求平穩，夢想就係出社會後有一份收入穩定的工作，得閒就打下機、睇下漫畫，有人叫到就出去食下飯行下街，最後搵個人幫手撒晒啲骨灰落海。正當享受緊飯後時光，阿希聽住呢首充滿海灘氣息的樂曲個陣，一位老師便走進了廣播室叫佢讀通告，雖然已經係日常任務，但始終都會令佢心情唔上唔落。
「知道～梁Miss」阿希收低通告後就繼續聽歌，而梁Miss就番返去教員室，因為梁Miss知道阿希佢係唔會唔做野，雖然唔多出聲，但對於廣播相關，阿希一直都好上心，所以連廣播室條鎖匙都可以交俾佢保管；阿希教好手機鬧鐘後，闔上雙眼，回想起蕉蕉對佢講的一段說話 。
「希望可以繼續聽到你把聲～」阿希的耳仔泛起一陣紅暈，好似一個細路仔得到嘉獎一樣，面上鈎起一條微微的弧線。在不斷回憶這絲絲甜味的時候，阿希的手鐘響了，阿希望一望個鐘，仲有五分鐘就響校鐘了，阿希需要準備好Mic同轉播路線，搞掂好所有野就等響校鐘了，因為要在響校鐘後立即空講通告。阿希清一清喉嚨，回想番蕉蕉所講的說話，校鐘響了，阿希爭開雙眼，準備宣講通告。校內走廊，蕉蕉同女同學準備番課室，正當校鐘響完，一把清澈的男聲響起 。
「各位老師，同學，下午好，以下有一則通告。」聽著那把男聲，蕉蕉身邊的女同學正準備調侃她。
「喂喂喂！開口中喎，仲唔快D多謝我～」
「係啦係啦，多謝lulu姐。」
「咁就差唔多～」lulu用膊頭撞一撞蕉蕉膊頭，蕉蕉同lulu邊笑邊行，聽著個把同"月城雪兔"差唔多的聲線，蕉蕉不地在腦中腦補月城雪兔的相貌，戴住一副眼鏡，白皙的皮膚，身型纖瘦，穿著整潔，總是穿著一整套校服，舉止溫文爾雅；可惜廣播實內的阿希，除左身型纖瘦，同皮膚白皙之外，都算係勉強合格啦哈哈哈哈哈哈哈！！！阿希在讀完通告後便將所有廣播設備關掉，確認好全都放回原位後便走出廣播室並鎖好門。走回教室，廣播室同阿希所在的班房就在同一層，對阿希來說是十分方便的，一得閒佢就會走進去享受Me Time。正當阿希走進教室前，佢聽到一段先前聽到的聲音，就轉過頭望過去，係蕉蕉同lulu番緊去課室，原來佢地係同一層唔同班房，不過阿希望左眼就即刻入番班房；蕉蕉感受到一股視線，於是轉頭望過去，但淨係望到一個人影走入隔離班房，好似見過咁。
「喂～望咩野啊。」
「冇啊，好似望到個熟悉的背影，但好似又記唔起係邊個。」
「哎啊，記唔起啫係唔重要架啦，快D番課室啦，陣間徐Miss又要鬧人啦！」




「係啦～」女同學同蕉蕉番番去課室。
「好啦～各位同學，雖然差唔多放暑假，但係都唔好咁快就唸放假啲野，堂都要上，如果唔係就整暑期作業俾你地！」
「咁又唔好Miss，你點會咁痕心望住你最愛的學生受苦架～」
「死仔包，怕就同我番埋座位靜靜地上堂」班上一陣喧鬧聲漸漸降低；但蕉蕉心中響起一道聲音
「下學期我要加入廣播組！」