他與她的故事: 回家

「估唔到居然係約左蕉姐出黎。」迪迪同阿希邊傾邊走出校門，阿希神情呆滯，個腦好似shot down左咁。
「喂！搞咩啊希希，今日你成個人都不在狀態咁架。」阿希當然不在狀態啦，因為個位對自己"把聲"充滿期待的人竟然會出黎同佢睇戲，你話到底神唔神奇啊，阿希一啲心理準備都冇就已經應承左人地，仲有可能會俾人發現原來佢就係個位所謂嘅"廣播室靚仔"，什至乎可能會令人幻滅，然後發生一啲令阿希唔咁想像的社會死亡性事件發生，咁就真係扑街啦。
「嗯。。。」阿希暫時答唔到野，因為佢以家仍然處理緊呢啲不"平穩"事件，呢啲事件對阿希的平穩人生十分相反。
「做咩咁死氣沉沉啫，係咪PingPing傷左你個心啊！冇野嘅，起碼佢唔係睇戲個陣先講啊麻～」迪迪攬住阿希膊頭，嘗試安慰佢。
「PingPing?哦，冇野，唔關佢事，而係蕉蕉點解會。。。」阿希提出呢個問題，想係迪迪身上搵到解答，回憶番蕉蕉的眼神，阿希突然之間感到毛管動。
「蕉姐會有咩問題啊～係人都知蕉姐係大善人黎架啦～」迪迪對呢次四人行十分之有信心。
「嗯。。。知道啦，個日我會幫你製造二人時間架啦。。。」阿希一臉猶豫一邊答應迪迪。
「不愧係希希，咁我睇下個日襯番啲咩衫好先～拜拜希希」迪迪邊跑邊同阿希say goodbye。阿希佢戴起耳機，搵緊一首可以令佢覺得輕鬆一啲嘅歌，Forrest-Your Soul, 阿希對於今日峰回路轉的事充滿煩惱，至於點樣解決，見招拆招，唯有咁。
阿希番屋企的路程不過二十分鐘，佢好快就番到屋企，除晒校服校褲，淨番底衫底褲，然後係書包度攞起一疊已經搞掂成個學年的書清空成個書包，因為已經到左學期未，所以清得就清，對於佢黎講，係呢間中等學校合格，只要前一日複習番晒啲野就冇問題，所以佢通常都會係前一日問同學借筆記抄，阿希通常叫呢種筆記"雞精"，溫完即合格，望住唔同嘅雞精，阿希選擇保留雞精，其他課本就全部放係垃圾袋度。其實所謂的暑期作業根本子虛烏有，啲老師講到好似真有其事，其實只係拋下佢地；所以阿希打算去沖下身，然後再去打佢最鐘意嘅PS4，冇錯，打PS4係佢為數不多的休閒活動，佢的遊戲冇回合制，冇耕田，只有即時對戰類的遊戲，佢最鐘意嘅莫過於From Software出嘅靈魂系列，因為佢即使現實裡唔可以試錯，但係佢可以係遊戲度試，佢可以係遊戲中挑戰不平穩，對於佢"平穩"的人生黎講，遊戲就係佢享受不平穩的樂趣，其實佢都曾經試過同以前嘅同學打機，有一隻叫勇者傳說的遊戲，佢花左三個月時間去打呢隻Game，直到佢成為朋友圈中追三保五的實力人士，但因為打法屬於把握機會型，所以通常會打到冇朋友，所以佢轉行去打單機遊戲，咁樣那怕用咩方法打，都唔會有任何麻煩。
「我番黎啦！開門！」阿希的媽媽番到屋企門口，佢一抽二掕咁拎住街市買番黎嘅茶同魚。阿希走過去開門。




「買左咩啊？」阿希接媽媽手中的膠袋，落係枱上面。
「自己睇啦！」阿希媽媽講完呢句野就去左廁所。已經夜晚七點，但成個家係冇其他男人的身影出現，阿希嘅父母已經離左婚，所以佢阿媽的定位已經遍中性。
「係啦阿媽啊，我今個禮拜六要同朋友出去啊。」阿希望一望個袋，拎過去雪櫃個邊放。
「哦！你去啦，自己小心點啊！」聽到媽媽講完呢句話之後就返房度繼續打機。