他與她的故事: 鬼片?
「喂!阿希,要唔要去睇恐怖片啊?我想約隔離班個Tammy去睇啊~」迪迪係放學之後同阿希做值日個陣問佢,但阿希神情十分集中,因為佢十分鐘意掃地,因為佢覺將地板上的灰塵聚集一成一堆之反再一次過掃走佢係一件好治癒嘅事。
「希希!」迪迪大叫一聲,阿希個身震左一震,將思緒帶返去現實。
「咩事!」阿希望向迪迪個副油膩的笑容,突然覺得有種毛管動嘅感覺。
「冇,希希問我幾時介紹番個俾你識啊麻,咁我咪打算黎個四人同行去睇吓恐怖片囉」迪迪走過去阿希身邊攬頭又攬頸,怕死希希會拒絕咁。
「四人,我同你同邊個?」阿希一臉疑惑咁望向迪迪,好明題阿希暗面以經係同意左成件事,只不過仲想再確定一下有冇可以刺激到自己想去的可能,阿希並唔恐懼恐怖片,當然每個人細個個陣都驚,但因為細個一到暑假佢表姐就係咁睇鬼片,連帶住令佢都逐漸免疫左。
「呢~隔離班個個Tammy同PingpPing啊,一高一矮個對姐妹花呢~」迪迪一邊攬住阿希個膊頭,一邊攞住阿希個掃把係度甩,好不陶醉。
「佢兩個啊?」阿希當然知道係邊兩個啦,因為迪迪經常會提到呢兩個名,隔離班的四眼姐妹花,高的叫Tammy,矮的叫PingPing,Tammy經常會畫水彩畫同睇小說,有次迪迪話係街度見到佢著住一身淡黃色的碎花長裙,戴住一頂小草帽,但腳上著住一對運動鞋,十分可愛;而PingPing就企係佢隔離著住一件超短褲同細碼短T辣妹Feel十足;其實聽到Tammy阿希都冇咩問題,但聽到PingPing就有啲望而卻步,因為阿希並唔習慣如何應對辣妹型,更何況辣妹更喜歡迪迪個種陽光運動男孩,最怕到時侯PingPing想纏住迪迪幫唔到手。
「哎啊~希希你賠我去啦,最多張戲飛你唔駛俾錢啦~黎啦黎啦」迪迪挽住阿希隻手甩來甩去。
「好啦~好啦~」阿希望住迪迪個對"純真的眼神"敗下陣來。
「我就知希希對我最好架啦!」迪迪邊跑邊跳咁走向隔離教室。
「喂Tammy,PingPing,得唔得閒啊,出黎傾下」迪迪係隔離課室門口大叫,Tammy同PingPing係度傾緊計,聽到迪迪叫佢地之後佢地對望左一下然後行出教室,三人站在教室外的走廊,迪迪在聊到一半的時侯打算走回教室叫阿希出黎。
「希希,出黎幫幫手。」阿希掃地掃到得差唔多,就出左課室跟住阿希。
「呢位係希希啊~我打算我地四個去睇歸魂夜啊,你地點睇啊?」迪迪拉住阿希出黎個陣,PingPing睇一睇阿希嘅外型之後帶出左一絲絲不屑的眼神,然後再望下望迪迪望住Tammy嘅眼神。
「我就算啦,第四個你地搵第二位啦~」PingPing講完呢句就番番去課室。Tammy有見及此,於是番去問PingPing原由,
「唔想同陰沉肥仔出去玩」PingPing講出呢一句話後,迪迪當堂一額汗,佢望向阿希,雖然阿希冇咩表情,但明顯氣氛明顯溫度下降晒,Tammy望見出面氣溫度咁低,於是走向蕉蕉度問佢方唔方便同佢出去同迪迪同阿希傾,蕉蕉望左一望走廊上的兩人之後,思考左一陣,然後先答應Tammy的請求。當Tammy帶住蕉蕉走出教室個陣,反而到阿希成額汗,因為佢點都估唔到蕉蕉居然會應承Tammy。
「Hello 蕉蕉,Tammy有冇同你講係同我地出去睇戲啊?」迪迪笑住咁問蕉蕉,Tammy望左一望蕉蕉,蕉蕉感受到視線,明顯Tammy係想出去的。蕉蕉望一望Tammy同迪迪,最後再望一望阿希。
「好啊,我地一齊出去玩啊!」蕉蕉好快就應承左,迪迪同阿希都頓左一下,迪迪冇估到居然咁快就搞掂左成件事,而阿希係點都估唔到點解蕉蕉會應承呢件事。。。