將新鮮熱辣既Notes擺係枱面,再將書包入面既文具攞出嚟攤低,完美上堂姿態。

「Hey!」
忽然身後有人篤我背脊,我下意識望去後面。有個女仔向我遞左張紙仔並同我講
「填返你個名同電話,我地組個whatsapp group 。」

事實上,我地呢班Econ學生Year 3先正式一齊上堂。係Year 1 同Year 2個陣我地會同其他programme既人一齊大班人上。搞到大家好難聯絡,只能係o camp 同group project先可識到其他Econ學生。

望下張紙仔得一個名,應該係啱啱篤我既女仔,好似叫Sylvia。 佢留有及肩既淺啡色頭髮,髮尾有小小彎曲,眼睛細細甘,仲有個櫻桃小嘴,整體呢講標緻得嚟帶點可愛。



放Break個陣,Sylvia趁professor走開個陣係課室前面大聲講。
「頭先張紙仔傳到邊個到,填完比返我。」
其他人聽完之後低頭做返自己手上既野,篤手機就繼續篤手機,補眠就繼續補眠。

上完堂,我就執好自己d嘢準備走人。忽然我隔離枱有張紙仔,上面好多人名同電話,應該係Sylvia張紙仔。甘我就轉身交比佢。
「你係Sylvia?比返張紙仔你。加油。」
佢輕輕點一點頭「唔該哂。你係···」
「我係Sunny。Sorry,我仲有tutorial要上,我就走先。bye bye。」老實講我第一次同佢講嘢有d緊張,但係要淡定d。

過左一兩個鐘,手機不停震。我估應該Whatsapp group d人係到自我介紹。我都不執輸自介先。我估佢應該好努力入緊電話。



我地Econ同學仔group主要講下上堂既野,notes、mid term、assignment同埋吹水。我咪得閒加兩句或者開心share答案。

有一日,有個叫左呀冰既人主動whatsapp我並且講。「Hello 我係呀冰。今日我冇返,可唔可以影份notes比我。」
我記得Econ group有個叫做呀冰。我心諗點解搵我呢,我只係有時up d notes上group。我冇追問呀冰,之後影返今日既notes。
「Take care. 最近開始涼左,小心身體。」我禮貌甘回返佢。

自從呢次之後,我同呀冰開始傾下計。唔單止課堂既嘢,其他嘢順便傾下。
「你有冇睇下d少女漫畫或者愛情劇,我開始冇哂貨去煲。」我無聊問下。
「估唔到原來你有睇呢d。」呀冰覆返我。「最近有套少女漫動畫化,叫『魔法使的新娘』,有冇追?」


「點會冇呀,我逢星期日上我即係睇。」我估唔到佢同我有一樣興趣。
之後我地不停傾劇情同埋感想。

差唔多到Final既前夕,呀冰係Econ group問:「有冇人組study group温書?」「Here🙋」我回返呀冰。
但係過左成日都冇人回。甘我直接揾呀冰傾。
「兩個人o唔ok?」呀冰係我打字期間講。
「睇嚟應該係甘,我冇所謂。」其實我個心一直噗通噗通的狂跳。「不如約係學校,JC pc lab 有房可以用嚟溫書。」
「Ok呀。甘約幾時,不如就今個星期日。」呀冰回我。
我收到之後心差d離一離💓。

直到星期日當天,我地約左main campus中銀對開等。我一早出左門口返學校。

一返波折去到學校,我坐係中銀出面長櫈whatsapp呀冰。
「出左門口未,我到左la。」
「過埋馬路到,但係我未食早餐,我想食埋先溫書。」呀冰應該差唔多。


「可以呀,但係JC club星期日冇開,得OU club wo。」
突然我感覺後面有人,甘我回頭望……
已有 0 人追稿