深愛 ~冰結的泡沫~: 2.交纏

「今晚溫度跌到10度以下，新界地方會……」迷迷糊糊打開電視機，聽到之後冇咩表情。「大埔低幾度慣哂la。」

七點多，冬天並冇返學日子對我呢講好正常。今日約左人10點鐘返學校温書，早d出門口就唔遲到。

返到學校之後，打開手機，9點半。我心諗不如問下佢去到邊。
「出左門口未，我到左la。」
「過埋馬路到，但係我未食早餐，我想食埋先溫書。」呀冰應該差唔多。
「可以呀，但係JC club星期日冇開，得OU club wo。」

突然我感覺後面有人，甘我回頭望。果個女仔穿着深紅色圓領冷衫並且露出内裏裇衫領邊，下身着上同今日天氣完全唔搭既深啡色短裙，可能佢真係怕凍，着上高丹數絲襪同粉色低筒boots。


「Sunny，你等左幾耐?」佢一邊喘著氣問。「Sorry，要你等。」
「我又唔係等好耐姐，我地比原本早左D。」我震驚到原來呀冰就係Sylvia。「你肚餓呀嗎，甘去食早餐先。」

入到Canteen之後，我哋一齊去叫早餐。
「食咩好呢？」我地不經意講出同一句，之後望着對方尷尬甘笑。「好！就食西式。」我決定好就行去收銀姐姐到，但呀冰佢仲猶疑緊食咩好。「甘我攞完之後順便搵埋位。」

星期日早餐時間Canteen都仲係甘多人，搵位都有D難度。最終我搵到一個角落位，心諗呀冰應該睇到嗎，maybe。
「冰，呢度！」我揮住手叫住呀冰。佢見到我揮手就直接行過嚟坐。

「咿，你最後諗到食咩？」我一邊鋸緊塊雞排一邊問。


「咪五香肉丁米粉lo。」佢攞住紙巾抹乾淨筷子。「冇計la，今日凍左。」
「但係你又著甘短既裙，唔驚凍咩？」諗返頭先係出面係到震，應該覺得凍。
「你有所不知只要保持自己着腳熱，就可以成身暖。我腳着住絨毛boots可以保暖。」佢一面自豪甘講偉論。
「我聽過，小心凍親呀，星期三考la，凍到病我笑你㗎。」我懶係驚訝甘回應佢。

「講返正經野先，有冇帶notes呀？」係佢食緊米粉個陣，我已經食完，飲緊凍奶茶。
「有，當然有。四科都帶哂嚟。」佢急急吞左口入面米粉，之後係佢自己茶色皮製A4 size袋攞D notes出嚟。
「甘乖ge，甘今日主要就溫micro。」我托起個腮望住呀冰，但藏唔住笑意。其實我都揹住4科notes，驚佢逼我一日教4科。

呀冰份早餐終於食哂，準備起行溫書。「Go Go!」我見佢準備好就一齊起行。「朝早上面應該算少人。」


我地並排行去JC，一邊行一邊傾住d無聊野。
「唉，實炒硬。」呀冰嘆住氣甘講。「2科mid term都肥左，唉。」
「吓！你信唔過我呀。遲d全部合格請我食飯。」我心諗大魔王，但我都要KO佢。
「你有甘犀利，比姐姐見識下。」佢竟然對我下戰書。
「奉陪到底。仲有依家你係我學生，姐你個頭。」

傾下傾上到PC lab。PC lab入面有4間房可以比學生攞黎傾野，有個白板同埋電視mon連住電腦，係溫書必用房間。
「唔該我地要1號房，同埋我地既學生證。」我對住職員甘講既同時，呀冰已經衝就入去。
「第一件事當然叉電先。」呀冰從袋中攞出叉電器。
「小姐，第一件事係開燈呀。」我推開門入到房。
「唔比呀！」佢面鼓起講，其實佢都有順便攞出notes。
我都攞出叉電綫出嚟。「你睇你都攞出黎la。

「Utility條curve就係畫出黎，之後就甘多條就組成demand curve la，明左呢part未?」我耐心畫住圖甘教，呀冰一臉困惑聽住。「搵個講法，……」慢慢睇住佢個樣變返正常樣，我就安慰。
「好攰呀，塞爆個腦la！」呀冰伸長手而且上半身趴係枱面到休息。「點解你甘勁ge，分D比我好冇？」


「好啦好啦，依家休息。同埋你件冷衫吸哂d擦膠碎。」坐係佢對面既我都覺得有D chur。
「不如我地睇《魔法師的新娘》lo，今日更新左，首插曲好正。」呀冰輕輕點左幾下頭，我就同佢一齊睇。

「超正lo，呢集……」呀冰不停分享觀後感。「最後首歌簡直，哇，唔知點形容……」
「其實我臨出門口之前睇左一次，再睇都覺得畫面同音樂配合得好好……」適當休息都重要既，一直温效率都降低。「甘繼續溫書定係休息多陣?我睇你㗎。」
「老師，休息！」呀冰即刻答案。「不如我地傾下計呢…….