註:由於涉及當事人秘密,只能作簡單解釋。不便之處,敬請原諒

3. 秘密

「不如我地傾下計lo?」呀冰希望逃避notes上既紙與圖。
「有時whatsapp咪有傾,依家……」講講下呀冰盯大隻眼望住我。「一陣咋,傾完繼續溫。」唉,點都敵唔過佢既撒嬌攻勢。

「其實男仔好少人好似你甘中意少女漫,只少我識既人入面。」
「我可能中意戀愛既酸臭味,唔係,其實主角間為中意既人所做既野,無論幾細既野都令我媽媽笑。係咪有D怪?」我好少同其他人講出嚟。
「唔怪,一D都唔怪。我都明呢種心動感覺,睇住主角都好想拍拖。」


「我都想認真拍一次拖。之前比ex帶左頂綠帽,唔好提……」我刻意避開呀冰既視線。

「你係?」呀冰想捉回我視線。
「A1。Ex最後講到:『你太好la。唔單止男友力爆燈,而且女子力高過我。我高攀唔到你,希望你遇到更好既女仔。Bye Bye。』點不知問佢朋友,佢已經有第個。」我望向呀冰後面既窗回想。

「我O2,之前個Ex……嗯......老實講我第一次同其他人講呢件事。」呀冰眼神冇偏移到任何地方,只係單純望住我面。原因我就並不知道。「其他人可能知道D皮毛或者估唔到,甚至我男朋友都唔清楚成件事。」
「唔想講可以唔講,痛苦既事可能再傷害你一次。」呀冰默默搖頭,鼓起勇氣講出嚟。
「......(註1:聖母女主愛上渣男,分手後造成厭食症)......」呀冰講講下眼角流下淚珠,我輕輕遞上紙巾。
「如果我當時係你朋友,明知會比你討厭我會沖去你屋企搵你......」我諗左一陣,背對住哭泣中既呀冰。
忽然轉向呀冰「同你講:『冰,身體健康,記得食飯。』」


「我真係可能嬲你ga。」呀冰強行露出笑容,但係遮蓋唔到面上既淚痕。我惟一只能笑場去應對壓抑既氛圍。

「溫書溫書,真係肥左就笑柒你。」我攞住疊notes打佢頭。「老師唔好la,我温我溫。」依家冰儀露出真正既笑容。

究竟笑容後藏住多少不得人知既事,我只係祝願冰儀唔會再遇到同樣情況。點解我心一直想保護冰儀衝動,究竟我......

「好,基本Macro d 圖都大致講過一次。甘我去個廁所先。」望下電腦個鐘,七點多。房間出面都冇哂人。
「我又要去!等埋我。」冰儀追住我後面。
「男廁?定女廁?」我回頭差D撞到佢,兩眼互望,怕醜甘笑。
「當然女廁la。」冰儀急速走係我前面。



廁所内,我望着鏡入面既自己。「冰儀係我心目中係咩身份?」「連最隱蔽既事都同我講,我係……」「算,再諗落去沒完沒了。」
離開廁所後,冰儀仲未出嚟。我係廁所附近等佢嚟。
「同學,我地今日8點收。甘就同你講聲。」職員特登走過嚟同我講。成個pc lab淨係得我地未走,辛苦佢地。
「唔該哂,甘我等埋我朋友出嚟,我地就走。」我禮貌甘回返去。
冰儀從廁所出嚟,我一臉驚謊(扮)甘同冰儀講:「冰,我地比人趕走,快D!」冰儀即刻衝返房執野,我係後面忍笑,太易呃。「好彩我去廁所之前執好。」

還左間房比人之後我地準備離開。「一齊食飯好冇?」我地一齊講出嚟。
「6樓。Sixth floor 。」升降機打破左異常既沉默。
「喂,我地今日搭左幾多次聲?」我出左聲先。「點解呢?」冰儀又將個波推返比我。
「不如我地諗食咩好lo。」我轉移話題去脫離僵局。「唔↗……唔↘……唔↗,行落去睇。」

OU學生都會行公主道上培正道天橋慢慢行去旺角。我無意間走近馬路旁同冰儀並排行。「今日凍左好多!」冰儀摸擦雙手取暖。「你對毛毛boots理論呢?」冰儀不斷解釋所謂理論。我地係斜路上傾D雞毛鴨血既嘢。

「咿………冰,你既男朋友?」冰儀既中學同學偶然撞到我地兩個。「我地…………」
已有 0 人追稿