那些年，我最愛的兩個女孩子: 13

「我幫媽媽完成個遺願，我入英華女校，我係果到升大學」
 
「你…你痴左線呀!!!你而家咁樣，會考合唔合格都唔知…你點入英華」
 
「我得!!!我一定得!!!我下學年要轉校!!!我會成功俾妳睇」
 
「你唔好傻啦!!!你會好辛苦架!!!家姐唔想見到你咁樣迫自己呀!!!」
 
「咁而家得我一個可以做到，家姐妳大學啦!唔通妳而家返去英華要讀F.6咩!!你都未必入到啦!!」
 




「一係…我地叫詩敏幫我地啦，佢一定入到英華」
 
「唔可以!!!詩敏唔係媽媽個女，就算我娶佢，佢都只係媽媽半個女，媽媽係想佢親生嘅仔女幫佢完成願望」
 
「但…但係…你點樣…」
 
「我下個月大考，我會證明俾妳睇，我會做到」
 
就係果日開始，我再一次乖乖地坐係書檯前溫書，不過…筆袋呢?
 




「家姐!!!我筆袋呢?」
 
冇人應….睇黎要出大絕
 
「死肥婆!!!咪磅啦!!!妳而家115磅呀!!!我個筆袋呀!!!去左邊呀?」
 
之後我俾家姐掛左係個廳到……
 
我坐係書檯前，開始溫書，一如家姐所講，我係有好多野都唔識。其實我升到F.2都算好彩，我中學個底真係好差，所以被迫拎返F.1嘅書出黎讀，真係有好多都唔識，所以，我忍唔住要家姐教我啦，點解唔返學校問?果間學校果D係教畜，每日3點31分就唔見人架啦。
 




好彩，家姐都肯教我讀書，到左學期尾大考，一向成績平庸嘅我，成績進步左唔少。而家姐就俾港大收左，學校知道家姐係我唯一親人之後，就免費俾我同家姐住hall，仲有全數獎學金俾哂家姐。
 
至於我果邊嘛…