那些年，我最愛的兩個女孩子: 14

係北角警署內，黃警司俾左封入學通知書我
 
「拿，阿風，我地幫到呢到，呢間係你爸爸讀嘅中學，人地本來唔想收你，但係俾我地說服左，你同我醒醒定定，呢區係我同期睇，我會叫佢地睇實你。」
 
「知道啦…」
 
「你而家轉左校，唔洗我地再車你返屋企，不過呢，我地都會每日有人睇住你放學」
 
「係…」
 




「你就乖乖地，好好照顧家姐，唔好要人擔心你啦」
 
新學年新氣象，唔知會點呢?
 
不過我成個暑假，都留左係屋企溫書，我每jot一份notes，每次做卷，如果係用黑筆嘅話，我都會用一枝parker墨水筆，而家好少好少人用墨水筆架啦，但係，雪凝係小學送左枝墨水筆俾我，我平時唔帶返學架，因為我怕整爛，但係而家轉左校，我就再次拎返果一隻粉藍色草泥馬公仔出黎，掛係筆袋上，拎出佢送俾我枝筆，一齊帶返學。
 
返學之前，首先就係搞掂搬去Hall d野先，結果家姐d野多到，我同佢搬左3日。除左星期六日我同佢輪流返屋企清潔之外，平時上黎嘅，就只有契媽。
 
港大安排左個男女混合宿舍俾我地，我地第一日入去，就已經非常興奮，滿心以為可以同大姐姐玩啦，點知舍監就一大張紙貼係我地房門，





「不准騷擾，違者退宿」，

咁仲邊有人會黎同我地玩呀…….