那些年，我最愛的兩個女孩子: 63

F.4下學年，我開始失眠同頭痛，因為我開始迫得自己好緊好緊，機會只有一次，我唔可以失手，我已經令媽媽失望左一次，唔可以再令佢失望多一次
 
一開始我仲係靠感冒藥同咳水瞓覺，但慢慢都發現冇作用，所以我決定去買安眠藥，但係我又冇醫生紙，點買?於是我就返左北角，我舊公司照顧嘅藥房搵人
 
「有咩買呀同學?」
 
「我搵單眼佬」
 
去得藥房搵單眼佬，一定係買D唔見得光嘅藥
 




「細佬唔好要條女食咁多，傷身呀!」
 
「下?咩呀?」
 
「你中出左條女買事後丸呀?條女一定未夠16啦，拿!!整盒套俾你啦!!送嘅」
 
「你都ON9嘅!!!買事後洗鬼搵單眼佬咩!!」
 
「咁你買咩要搵佢呀!」
 




「安眠藥!」
 
「醫生紙呢」
 
「有就唔洗搵佢啦，你話洪記阿風搵佢啦」
 
「你洪記?」
 
「係呀，暗花同輩」
 




「等陣啦」
 
過左陣，單眼佬終於出黎見我
 
「點呀風哥?你咁樣搵我法，一陣班反黑搞到我冇生意做喎」
 
「我今日呢，係黎買野嘅」
 
「安眠藥?」
 
「係….仲有俾D勁少少嘅止痛藥我，必理痛冇咩用」
 
「我聽暗花講你從良讀書，真架?」
 
「係呀!!我連校服都換埋就知啦」




 
單眼佬好快拎左幾包藥出黎
 
「阿士匹靈，止痛好用少少，唔掂就布洛芬。呢隻安眠藥，一樽，應該夠你玩一排，唔夠先返黎啦」
 
「幾錢?」
 
「走啦!!暗花話幫你找數」
 
「佢找數?」
 
「係呀!閃啦!」
 
我拎住D藥，返到去hall到收好佢，夜晚趁家姐去沖潔果時食左安眠藥，果然好快就瞓著左
 




終於有覺好瞓啦，但係唔可以俾家姐知我食安眠藥，俾佢知道就大鑊，所以我將d安眠藥隨身帶住
 
我仍然每日放學都落自修室溫書，而間唔中就去打下波放鬆
 
但係壓力仲係迫得我好緊，就連Tiffany都開始為我擔心，佢有時會係自修室幫我按摩個頭

「你呀!咪食咁多藥啦，止痛藥都係藥黎」
 
「妳唔明架啦Tiffany」
 
「我有咩唔明?」
 
「每個人屋企總有唔同嘅事，所以呢，妳未必明我諗乜」
 
「總之你有事就要出聲啦，一陣冇人教我數學架啦」




 
「得啦得啦」
 
不過我仍然去幫襯單眼佬買安眠藥