那些年，我最愛的兩個女孩子: 64

F.4大考之後，我地打算出去踢波比賽下，當交流下者，冇咩特別
 
而且成個暑假都唔可以只係溫書同溫書嘅
 
我每日都係日頭溫書，夜晚就去打波練波，星期五至日呢，詩敏就會黎我到玩
 
我再一次見返佢，就係我打波果一晚，應該係黃昏啦
 
我地成班人係海邊打波，果日我地男仔有男仔打，女仔有女仔打，總之就好多人咁打啦
 




「阿哥!!上呀!!!」詩敏扔左個波俾我快攻，我快速剷落籃底然後黎個走籃
 
「よし!!」兩分!!
 
我走返後場摸下詩敏個頭再錫佢一下「叻女喎」
 
「同你最合拍架啦」
 
下一球，角色調轉，而詩敏好鍾意拉個對手出黎再射三分或者傳波
 




「好啦好啦，你地兩兄妹坐埋一邊先啦」
 
的確，我同詩敏打到全身熱哂，佢抹完汗之後再幫我抹汗然後就撓實我挨住我，一對一齊打波嘅小情侶
 
詩敏望左一下後邊佢就話想飲佳得樂，叫我去洗手間時買俾佢，果陣我就去買
 
返到黎時，詩敏同緊個女仔傾計，而果個女仔身邊有個男仔
 
唔通詩敏識佢地?當我行到返去果時，佢已經同個男仔轉身走開
 




「妳d朋友呀?」
 
「下?呀……係呀，學校師姐」
 
「咁大膽拍拖?唔怕契媽?」
 
「唔知啦，佢讀到書就得啦」
 
「介紹黎俾我識下得嘛?」
 
詩敏聽到我咁講之後反應好大「唔得!!!」
 
「嘩…唔洗咁緊張呀?」
 
「唔俾呀!!!你又話錫哂我嘅」




 
詩敏今日有少少古怪，我望一望佢師姐個身影，好似一個人
 
真係好似佢，果個女仔又係扎麻花辮
 
林雪凝
 
佢身邊果個，係佢男朋友?
 
可能我睇錯者，就算係雪凝又點?佢身邊果個男仔咁好，我邊夠人地爭，到今日我都仍然係襯唔起佢
 
對雪凝係邊間學校，咁多年黎我都係靠自己去搵佢
 
雪凝讀band 1女校，除左聖嘉勒一定冇可能之外；英華女校、庇利羅士、聖保祿、大坑道真光、嘉諾撒…仲有好多女校
 




估唔到今日終於有少少眉目
 
雪凝可能…係英華女校，爸爸媽媽同契媽嘅學校。有可能詩敏一早就知道，不過咁又點，佢呢d咁好嘅女仔，肯定好多名校生追
 
夜晚沖完涼後，詩敏攤係我張床上