那些年，我最愛的兩個女孩子: 66

暑假期間，我地果隊業餘到冇得再業餘嘅足球隊去學人參加比賽，真係笑大人個口。不過都報左名囉，我地就訂造波衫啦，以皇馬黎做藍本，所以我件守門員波衫都係皇馬款，不過我印嘅號碼，係23號
 
「阿哥，你係守門員，點解唔印1號呀?」
 
我係詩敏耳邊講
 
「1號」同「23號」同價，所以印「23」抵d
 
「就係咁咋?」
 




「冇錯!」
 
正式比賽當日，係黃昏時間，場地係維園
 
我地已經預左分組賽出局架啦，每組3隊出一隊，而我地嘅攻擊力係同0冇分別之下，我地就只可以靠打防守反擊
 
反咩擊丫……波都摸唔到呀
 
不過好彩我都叫食過夜粥，平時都打慣波，所以守龍門技術都唔差嘅
 




就係第二場比賽，我再一次遇上佢
 
當日我地一如以往，俾對手撳住黎打，而我就係成隊波最忙果個
 
撲完呢邊，又要起身撲第二邊，撲完遠射又要救單刀
 
真係少d體力都唔得
 
詩敏依然係場邊睇我踢波，而係某一個角球果時…我見到佢
 




佢同以前一樣咁靚，佢著左對白色Cons，再埋長褲，仲有佢對孖辮，完全係一個村姑Look，咁多年佢都係冇變過
 
「風!!」
 
「係!!!Keeper!!!!」掛住望佢，差d俾人笠死
 
再望一望清楚，佢身邊有個男仔係到…係上次果個男仔
 
佢係雪凝男朋友?佢地兩個雖然冇拖手，但係笑得好甜
 
「keeper!!」
 
又一球，差d輸分心
 
然後聽到詩敏嘅叫聲




 
「留心d呀!!!」
 
係，我而家係比賽緊，唔好想太多野，全心全意去比賽
 
於是我再一次進入狀態
 
長笛一響，我地連和兩場，0入球0失球，2分出局，不過已經預左
 
有分落袋，理L得你
 
由於守龍門太攰關係，係立即除低手套去洗個面，返到去時，已經見到詩敏同阿熙又黎華山論劍，而詩敏身邊…就有雪凝係到
 
我走埋去雙手合十對住阿熙
 




「熙哥….串少詩敏一陣啦好嘛」
 
「妳好野!張詩敏!!我俾面妳阿哥」
 
正當我想轉身果時，詩敏跳左上我身到
 
「唔準望女仔!!!佢地係我師姐!!!係咪想我叫媽咪黎殺左你!!!」
 
「得啦得啦!!唔望啦!!!全英華最靚係妳啦!!落黎先啦!!」
 
「唔落!!!快d行!!!」
 
結果我孭住自己d野，前面又孭住詩敏咁去食野
 
「喂!!聖誕老人呀?我又要呀!!!」我地一一班人嘻嘻哈哈咁走去打冷




 
「呀…暑假就完啦」
 
「好快又要受折磨啦….」
 
大家都好唔捨得呢個可能係中學生涯最後嘅暑假，其實我都唔太捨得，不過而家唔係諗呢D問題嘅時間，我而家首先要做嘅係，向英華申請做女校男生
 
係英華門口，我同家姐兩個人企係到