那些年，我最愛的兩個女孩子: 70

第一次見到著中學校服嘅佢，一對麻花辮，再加上寶藍色旗袍長衫校服，原來佢一直就係我身邊，一直係英華女校，即係詩敏一早就知道，佢好快會同雪凝爭
 
不過今日嘅雪凝有d緊張，佢左望右望之後走左入間Px藥房，我入左藥房背住佢偷聽佢買咩
 
「唔…唔該…我黎買…呢隻藥」
 
「醫生紙呢?小妹妹」
 
「係…我有…」
 




「唔…林醫生開….呢隻安眠藥…唔…」
 
「有…有問題?」
 
「冇問題，我諗緊放左係邊者，等等」
 
「係…」
 
雪凝都要買安眠藥?冇咩可能啦，而且佢爸爸係醫生，佢要安眠藥邊洗買，拎咪得囉。除非…
 




我心中諗到d野後立即涼一涼。佢冒簽佢爸爸個名、吸印去買安眠藥?偽造文書罪係刑事罪黎架!!個傻女做咩呀!!
 
我見到佢買左樽同我食緊果隻安眠藥係一樣
 
雪凝走左之後，我聽到個職員講
 
「個醫生又會開隻咁勁嘅俾個妹妹?」
 
大鑊!!雪凝佢自己亂買藥，於是我跟住佢尾去到海邊
 




佢坐左係到自己不停喊，可能同男朋友分左手掛，但係我又聽到佢自言自語
 
「我好辛苦呀……點解我要係模範生喎…」
 
個傻妹讀書讀到爆煲啦，所以自己買安眠藥食。我再諗一諗，佢唔係自殺呀?
 
我望一望手上筒糖，之後腦中有個計畫
 
我走到雪凝身後，扮黃警司個口吻
 
「同學!將妳頭先買到嘅野拎出黎!」
 
雪凝想轉身果時我再補多句
 
「望前邊」




 
「係…係…」
 
雪凝隻手震哂咁拎左樽安眠藥出黎俾我睇
 
「安眠藥喎!有冇醫生紙?」
 
「有…有…」佢再拎張醫生紙出黎
 
我睇一睇，真係佢爸爸個名，呢個傻妹自己傻到做d咁嘅野
 
「張醫生紙係真，同學唔好食咁多藥，對身體唔好」
 
「係…知道…」
 




「可能而家有個人同妳一樣，一齊辛苦緊」
 
「係…」
 
「樽藥我放妳身邊，妳合埋眼數100下再開眼啦」
 
「係…1…2…3…」
 
我好快拎出memo紙，再用佢送俾我果枝筆寫野俾佢
 
「唔好放棄!細個妳請我食麵包，而家我請妳食糖啦!食糖補充糖份會精神多好多架!妳食太多安眠藥對身體唔好架嘛!微波爐」
 
唔叫佢微波爐，佢係唔會記得我架
 
我貼係筒糖上邊，放係佢身邊再拎走樽安眠藥




 
係一邊望一望佢，佢見到筒糖同memo紙後，就喊得仲犀利
 
希望我幫到佢啦
 
不過雪凝都要食安眠藥嘅話，佢一定係迫到自己傻咁滯，所以我有少少擔心佢會再買安眠藥，就係第二日，我帶埋我自己果D藥，一個人去詩敏屋企搵契媽
 
點解我要拎埋自己果D?因為我既然要阻止雪凝用安眠藥瞓覺，我自己都要陪佢克服呢個難關