那些年，我最愛的兩個女孩子: 71

“叮噹” 「係!!啊!少爺，入黎丫，我去叫小姐出黎」
 
契媽屋企個姐姐次次都係咁有禮，當詩敏知道係我黎左之後，就好開心咁彈出黎
 
「阿哥!!做咩突然上黎呀?」
 
「我…搵契媽」
 
「啱啦…媽咪好似追殺緊你，你自己小心D啦」
 


「妳唔陪我?」
 
我同詩敏坐低左，契媽就出左黎
 
「呵呵，你今次真係自己送上門，你都知我搵你咩事架啦」
 
「係…怕羞仔佢地黎搵過你…我知」
 
「阿哥…咩事呀?」
 


「敏敏，妳阿哥食大量安眠藥嘅事做咩唔同我講」
 
「媽咪…呢層..」
 
「妳成個暑假有咁多晚係佢屋企瞓，妳點會唔知」
 
「契媽，詩敏只係知我有用安眠藥，佢唔知我用左咁多，妳唔好怪佢」
 
「好，我就當詩敏唔知，咁你今日上黎做咩?」
 


我係個背囊之內，拎出左五樽安眠藥。詩敏同契媽契爺見到後，佢地D眼突哂出黎
 
「阿哥…你呢到…全部係你嘅?」
 
「係…呢到五樽都係我嘅」
 
契媽望住檯面堆藥，已經驚到唔識講野，而契爺就好冷靜咁問
「呢隻藥，係唔係要醫生紙先買到?」
 
「係…但係我…」
 
「你搵以前公司照顧嘅藥房買係唔係」
 
「係…」
 


「唔怪得買到咁多…而家呢五樽藥，我會銷毀佢」
 
「知道契爺…」
 
我再望一望背囊入邊，然後拎另一樽出黎