我枱頭有盒突然有盒朱古力: 5.

「呀強！」Michael拿出自己的職員證。
是傳說中的職員證。
若果用遊戲的角度來說，我、Vincent、呀Ling的職員證只是稀有級裝備。
而校長的職員證則是傳說級裝備，萬中無一。
整所學校，沒有一處他不能進去。

而普通級裝備？
當然是學生證 — 只可以打卡紀錄上學放學時間。

「嘟。」校長輕易解鎖了實驗室預備房的門。


呀強是我們學校的實驗室技術員，經驗非常老道。
就連本來是教物理科的Michael，實驗技術也及不上呀強。

「我想問下，果晚喺酒吧，到底發生咩事？你去左邊？」Michael問道。
「等我慢慢講比你地聽啦......」

．．．．．．．．．．．．
呀強視角。

Oh my God！怎麼一走進砵典乍酒店，就便意來襲！


我的肚痛得要死了！
我完全沒有交代自己要去哪，便馬上跑進砵典乍酒店內的廁所！
幸好我一直尾隨著他們，即使忽然不見了，也不會太快留意到吧！

「啊......舒服哂。」
「先生，你係咪去錯左女廁呀？」有一把女聲，從旁邊的廁格傳來。

「吓？唔係掛！」
我馬上打開廁格門，準備跑離廁所。
正當我跑到門口時，才留意到一格格小便斗。



「小姐呀，睇黎係你去錯左男廁就真。依到有尿兜架。」
「呀！咁點算呀！」
「家下冇人呀，你快啲出去啦！」我說。

說罷，那名女子就打開廁格門，拔腿逃離男廁。
我站在門外，方便跟她通風報信。

「唔該哂你呀。」她握著我的手。
她後來從女廁走出來，清潔好自己雙手了。
而我好像忘記洗手了......

「不如入去酒吧，我請你飲番杯？」她邀請。
「又唔係咁好嘅......我班同事喺哂入面，
特別有個女同事好鐘意講人是非，比佢知道左就麻鬼煩。」



「不過去第間bar飲就得嘅！」我說。
「但等一等我！我岩岩唔記得洗手！」

她站在原地。
好像明白了些事情。
她又再次走進女廁。

然後我們在電梯口會面。
「食屎啦你！未洗手又唔講聲！」她說。
「唉呀，唔記得左嘛，幫你睇水太緊張。」
「算你啦。」

我帶她去了另一間我更喜歡的酒吧。
至少我更喜歡這裡的人和酒。



她很有趣，很有活力，也很有個性。
至少我能跟她相處得很自在。

「下次再同你飲杯？」她問。
「好呀。」
我拿了她的電話後，二人一同離開了酒吧。
．．．．．．．．．．．．

「勁喎呀強！單身三十年嘅生活終於有機會完結喇！」呀Ling說。
呀強掩著自己的臉，「依個就係點解我唔想你喺到嘅原因......」

「咪住先，咁之後呢？你就咁番左屋企？」我問。
到底我們四人是如何回家的？
「呀Ling打斷我講野呀嘛，你班英文老師真係......」



．．．．．．．．．．．．
呀強視角。

「我番去搵我啲同事先喇。希望下次再見到你啦。」
「嗯！一定會。」她說。

於是，我便走回去砵典乍酒店。
進到去酒吧中，忽然，跑出來的林大為撞到我了。
只不過，他撞了我一下，就倒在地上。

我帶他回到座位前，才發現呀Ling、Vincent跟Michael都睡著了。
我問一問Tracy，才知道他們四人全都喝醉了。
但就只有林大為是這樣生龍活虎。



「唉，你地四個.....」
我拿出信用卡，先幫他們找了這條數。
然後再WhatsApp校長，讓他處理好吧。
「嘩痴筋.......飲左成5000幾蚊。」

「麻煩哂你喇，Tracy。今晚真係唔好意思。」
「唔緊要啦！好難得見到你地咁搞笑！」她微笑。

「不過，介唔介意搵幾個人幫我手，帶佢地落去，咁我就可以叫的士車佢地番屋企？」我說。
於是，Tracy找了數個熟客，幫我抬走他們三人。

三人？對，三人。
因為Tracy有個請求，就是想我留下林大為。
我當然是無任歡迎，因為的士車費會便宜一點。
「但我可唔可以知點解？」
「因為，我識左佢好多年喇。冇諗過今日會見到佢。」

「同埋你應該係林大為嘅同事？介唔介意幫我放低依盒朱古力喺佢枱頭？」
Tracy從吧枱後方，拿出了一盒砵典乍酒店的朱古力。
並在盒子下寫了一些東西。

「冇問題。」
「麻煩哂你喇！」她說。

於是，我跟熟客們合力，抬走了Michael、呀Ling、Vincent三人。
再拜託的士司機，在他們的樓下等一等我，好讓我扶他們回到自己住所。
後來星期一早上，我便把那盒紅色心心朱古力放在林大為的枱頭。
．．．．．．．．．．．．

......這名Tracy到底是誰呢？
「林大為，聽晚Tracy會番工呀。你想嘅就自己去搵佢啦。」Michael說。