我枱頭有盒突然有盒朱古力: 6.

我今天放工，便馬上乘搭同一架巴士，去到中環的砵典乍酒店。
走進酒吧，跟上次同一名的男服務員，在門口為我們探熱。

「我想問下Tracy今日有冇喺唔喺到呀？」
「喔，你等一等。入去坐住先呀。」服務員說。

我隨意找了一個位子坐下。
「先生，有咩可以幫到......林大為？」
她的眼眸裡，忍著丁點的淚水。



「冇諗過你會番黎搵我喎。」
「係呢......果晚最後發生左咩事呀？」我說。

．．．．．．．．．．．．
https://www.youtube.com/watch?v=ZjjqikcO5eA
Tracy視角。

林大為就一直睡在吧枱上。
我就一直服務不同的客人，與他們聊天，也聽他們吐苦水。
也為他們奉上最好的酒。



終於到了12時了。
一向我都很痛恨政府這限聚令，令我們的生意全消。
巴不得偷偷的讓客人留過12時。

但今晚，我卻很願意在12時下班。
「Tracy，你係咪識依個男仔呀？今晚我地幫你手清埸啦。」一名同事說。
「唔該哂。真心唔該。」我雙手合十，感謝同事們的關顅。

「林大為，醒未呀？」我說。


「啊......好頭痛......」他說。

於是，我扶起他，帶他回家。
他就像年輕時的那男生。
就像當天水運會，他弄傷腳時，要我攙扶帶他回家。

只不過在今天，不同之處在於，我在八年前去了英國讀書。
在當地愛上了品嚐各樣的酒，由啤酒，到紅酒，再到烈酒。
最後更在當地，成為了一名Bartender。

而他，若我沒有估錯，則如願以償地成為了一名老師。
畢竟Michael是一名校長，而他的同事，不是副校長，便是老師吧？

不知相隔八年的我們，又會變了多少呢？
但他在醉酒後，弄得Michael喪失理智、害得那名女生要被我捉弄，都讓我想起他中學時的開朗和活力。


他還是我認識的林大為。

「你呀......同中學果時一樣，飲一啖未飲過嘅酒就立即訓低。」我攙扶著他，慢慢走回他在上環的住所。
「仲要夾硬隊Vodka shot。」
「依然都係咁唔識照顧自己。」

「林大為，你仲係住以前果到？」
「嗯.....」他說。

不知甚麼的緣份，我們竟現住在同一棟大廈。
老媽是否刻意的呢？

「叮噹。」我按下那久違的門鈴。
「邊個咁夜呀......」一把老邁的男聲，



「Tracy，好耐冇見喇！你番左黎香港？得閒上黎坐下啦！」
「Uncle，我黎交低你個仔架。有機會一定會上黎嘅！」
「唉，成鬼日飲到咁醉.....」
．．．．．．．．．．．．

一下子，所有的記憶終於組織好了。
沒想到，一次醉酒的經歷，卻讓我找到失去連絡多年的女生。
她還是當年那個調皮的女生。

「一人一杯，你果晚沖比呀Ling嘅Cocktail？」
「好呀。」
我一五一十，把尋找記憶的過程告訴給Tracy聽。

「林大為，你真係好蠢。」
「吓？」


「點解唔反轉下個盒呢？個底寫住我個中文名，同埋電話號碼。」
「仲有砵典乍酒店嘅Logo。」

「證明我依然係咁蠢囉。」

你相信每個人都有生命最終的至寶嗎？
我如今相信了。