我以為自己要孤獨一世，直到你出現: 第五十七章-日常生活

又到星期日，而呀俊一早就唔知去咗邊？冇野做又冇人約既我一起身就開始打機。起身果陣見到Chris仲訓到好霖，咁今日就應該唔會咁早起身阻住我同仆街希打機啦

「啱架啦～打佢老母，往死裏打！」呀希今次好難得咁讚自己友，但係同平時一樣叫到拆天

「早晨呀～呀」Chris係房出到黎，一邊講一邊捽眼睛，講完仲打咗個喊露

「早晨呀，呀嫂！」仆街希聽到Chris把聲立即大叫

「早晨呀～呀希」Chris講完之後入咗廁所，睇黎佢接受左呀希咁叫佢



「呀賢一陣得閒陪我去買返啲野食同日用品？」Chris係廁所行出黎之後就問我

「好呀」我都好耐冇去惠康買野啦，唔知點解有少少期待

我同呀希講話有野做，之後就off咗，費事同佢講要同Chris落去買野，如果唔係條仆街一定扮撞到，乘機見下Chris

「不如我地今晚試煮卡邦尼意粉囉～」Chris攞住包意粉講

「但係我唔識煮野架喎」雖然自己住咗都差唔多有兩年，但係都未試過自己煮野食



「咁我地可以試吓架嘛，搵下youtube應該好多教學」Chris好似好有把握咁樣

「好啦～」就滿足下佢啦

我地攞齊要買既日常用品同今晚要煮既材料，就去排隊比錢～屌！前面個阿姐有冇咁多野買呀，成架手推車爆左，星期日真係好多師奶買野呀，而Chris好似已經習慣咁排隊

「Chris不如我地下次唔好星期日黎買野呀」

「好呀，下次我地再一齊黎買呀」Chris好開心咁答我



「喂，仆街賢～」屌呀，點解佢會係到架.....

「屌你呀，點解你係到架啦」我指住仆街希

「嘩！你用Condom架咩？」仆街希指住我隻想伸去電池既手，我望一望上面就係
Condom，我即刻縮番埋隻手，再擰轉面望Chris，佢一望到我就即刻揼低頭，紅都面晒

「下一位～」前面果呀姐終於走咗啦

我即刻推部車上前，放晒啲野落條輸送帶到，呀姐過完機之後就比錢，然後快速離開現場，費事比仆街希玩死，同Chris一齊既時間都要避開佢先得呀

「唔好誤會呀，我頭先只係想伸手去攞電池」我攞住一袋二袋野，望住Chris講

「嗯，你上次都冇用既」佢講番上次個件事，我依舊都係扮聽唔到



係番屋企既路上，我盡量同佢講其他野，例如係地盤做野果陣，呀俊話比我知妍妍既事，盡量分散一下佢既注意力，等佢唔好再講返上次件事

過咗冇幾耐就番到屋企，我負責將啲日用品擺番好，而Chris就負責係廚房整野

「呀賢你係隔離幫我手呀～」Chris擺定好砧板，手攞住把刀，而枱面上已經開定教學片

「好」我回應番Chris

係煮食過程當中，主要都係Chris照住教學片煮，而我都係負責遞啲食材俾佢，雖然佢係第一次煮，但係又估唔到似模似樣喎

「你加埋啲蛋漿落去就得架啦，我去廁所先」Chris講完之後就去咗廁所

我將蛋漿加落個鑊到，之後快速攪勻，我再望一望個教學片，出事啦，原來係將意粉溝落去啲蛋漿到，我再望一望個鑊，啲蛋漿已經變咗做碎蛋，再溝埋落啲意粉到，變咗做碎蛋意粉....

「喂，你做咩搞成咁樣呀？」Chris一入到見到意粉變到咁樣，語氣變到有啲惡



「我都唔想架～」我都唔知點解會搞成咁架.....

「我番黎啦～」係呀俊呀！好野梗係唔少得佢啦

「咦？！你番黎啦～」我將碟意粉攞出廳

「你咁辛苦快啲食啦」我將碟意粉擺係呀俊面前

「嘩！係咩名堂呀？」我同Chris都唔敢出聲，呀俊隨即攞起叉，食左一啖意粉落個口到

「屌！好難食呀～我想番屋企呀」呀俊食完之後即刻放低咗叉，暗住個喉嚨

佢使唔使咁唔比面呀，誇張成咁樣



「有啦～」我見上次Ann其實都仲好擔心呀俊，係時候幫佢諗辦法氹番Ann啦