我以為自己要孤獨一世，直到你出現: 第五十八章-皮革銀包

「一於陪你整皮革銀包送比呀嫂啦～」果次見佢都成身名牌，再送名牌都應該打動唔到佢

「我識整呀，可以幫你～」我攞起Cindy送比我既鎖匙扣，經過上次之後我諗都應該幫到佢整

「好呀～」呀俊講完就執埋啲碗碟番去廚房

「唔好住～」我叫停左呀俊，攞手機影低咗掂碎蛋意粉send Cindy睇

「📷等你番，我煮比你食呀😜😜」



我見Chris今日都煮咗好耐，而呀俊又幫手執碗，咁我唯有洗碗啦

「我幫你手呀～」我正當刷好碗，準備攞起布抹乾既時候， Chris突然之間入咗黎呀

「嗯，好呀」緊係好啦，有人幫慳唔少功夫

「係呢，上次你整個皮革送咗比邊個呀？」Chris一邊抹乾淨碗一邊問

「我送咗比朋友呀」



「嗯，冇野啦～」Chris聽完我咁講，面色一沉，就擺低布走咗出廚房

吓，唔通Chris以為係我諗住送比佢......食完飯之後沖涼上床，Chris好自然咁攬住我，我都單手攬住佢膊頭

「噹」係我部手機呀，係Cindy！終於等到啦

「我先唔要呀！個賣相咁差🤣🤣」

「係邊呀咁夜呀～」Chris想擰轉面



「冇呀，你訓啦」我即刻阻止，並用另外一隻手摸住佢個頭

「咁等你番黎煮all day breakfast比我食😍😍」

成晚就係就係一隻手摸着Chris個頭，另外一隻手就俾佢抌住黎訓，順便係佢背後用手機同Cindy wts，自從Cindy去咗美國之後都好耐未試過啦～

我地一行三人黎到皮革工作坊既樓下

「呀賢，我會唔會整唔到傢」臨入去之前呀俊仲係擔心緊自己整唔整到

「得啦，有我地兩個係到幫你手喎，怕咩呀」我拍一拍佢既膊頭

入到去之後，導師就同我地講解下整皮革要同到既工具，仲有整既流程，因為Chris同呀俊都未整過，而呢啲野我上同Cindy整果次已經聽過一次啦，所以我都冇咩點理到

講解完之後，我地就開始整皮革，我同Chris就揀左比較易既散子包整，而呀俊就整銀包，因為呀嫂咁多名牌袋，就無謂再整袋啦，反正呀俊啱啱學都整唔到袋既



「呀賢，我老婆係咪真係會鐘意傢」呀俊一邊打窿一邊擔心咁問我

「當然會鐘意啦，呀嫂見到你咁有心思又有心機一定會原諒你」呀俊聽完我講之後就繼續專心咁整銀包

「呀賢，估唔到你都整得幾靚喎」Chris望一望我整既散子包

「係咩，你都整得唔錯呀」真係怕佢又問返之前個卡套既事

「呀俊，我再幫幫你呀」我突然之間諗到啲野

「吓？咩呀」呀俊擰轉頭望我

我用力一撞向呀俊膊頭，而佢手上既錘仔一下打咗落去手指



「呀！！！！！我隻手呀」呀俊痛到大叫出黎

「唔使客氣！」我對住痛到標眼淚既呀俊微笑

「咩事呀你」睇落呀俊呢一野都幾痛

「我幫你加緊同情分呀」呀俊聽到我咁講，好似明白我時用意

「兄弟，下次講聲先啦」呀俊痛住咁繼續整個銀包

整左幾個鐘，呀俊終於整好個銀包

「呀賢，你覺得個銀包 我老婆鐘唔鐘意呀」

「信我！一定可以傢」我同Chris都幫呀俊加油，之後就出發去呀俊屋企



「叮噹～」呀俊鼓起勇氣禁門鐘，我同Chris就呢埋係消防門幫呀俊打氣

「邊個呀？」屋入面傳來一把女人聲，應該係Ann

「係你？你黎做咩呀？」Ann一開門見到呀俊有少少愕然

「老婆你唔好嬲啦，呢個送比你呀」呀俊襯Ann未閂門時，即刻攞出今日整既銀包

「爸爸！」呢個時侯妍妍好識做咁開門走咗出黎

「嘩！好靚呀！媽咪你睇下」妍妍係呀俊手上攞咗個銀包睇

「睇過下～都幾靚既....」 Ann攞住個銀包左右反轉咁睇，好似幾開心



「爸爸你隻手做乜野呀」妍妍指住呀俊受咗傷果隻手指，得咗啦～終於有人發現啦

「冇野呀～普通擦傷下姐」呀俊摸一摸妍妍既頭

「有冇野呀～」Ann捉住呀俊隻手望望，好擔心既樣

「冇呀，老婆你肯原諒我未呀？」呀俊扁晒咀扮可憐咁望住Ann

「媽咪原諒爸爸啦～」妍妍拖住Ann隻手左右fing

「咁你仲企係到做咩呀？係咪想凍親我地兩個女呀！」

「老婆！」呀俊攬住Ann，妍妍都攬住佢地兩個

我同Chris見呀俊成功咗，我地都唔阻住佢地一家團聚啦，望住佢地咁溫馨既場面，唔知我幾時會先到我有得團聚既時候呢

「呀賢，你ok嘛？點解你個樣會咁愁既」Chris疑惑地望住我

「無野啦，我地返屋企啦」