咦?!呢到咪係Cindy屋企?點解我會係到既?道門仲係打開既,唔通Cindy番咗黎,我心急咁跑入去Cindy間房

「BB~起身啦」我越行越近漸漸聽到一把聲

我一入房,就見到Cindy比一個男人攬住,個男人都幾靚仔又大隻,而Cindy都摸住佢心口咁仲訓緊~

「你做咩攬住我女朋友呀!」我指住個男人質問佢

「你女朋友?真係好笑~」個男人冷笑咗一吓



「呀賢?!」Cindy都比我地嘈醒咗,一邊捽眼一邊講

「Cindy!」我立即行去床邊,係男人手上搶走Cindy,用力攬實佢

「呀賢,其實我未愛過你」Cindy推開我,吓!咁當我係咩呀!

「咁你當我係水泡呀?」我嬲到想攞把刀殺死面前呢對狗男女

「對唔住~我愛既人係佢」Cindy重投個男人既懷抱



「你地兩個不得好死呀!」我用力握實拳頭

我一擘大眼,原來只係發夢,但係個夢好真,我望一望部手機都係單剔,Cindy係咪有咩事呀?

我潛意識立即向下望,係Chris而且訓得好霖,慢慢抽番比Chris抌住果隻手,費事嘈醒佢

我入到廁所,攞凍水洗面,唔係真架~唔係!Cindy可能諗住比驚喜我,而搭緊飛機冇WiFi,所以先至單剔架姐,都係番工啦,唔好諗咁多,要相信Cindy!

「呀賢你咁早既」係Chris啱啱訓醒



「嗯~係呀,唔知點解自己醒左

雖然話要相信Cindy,但係我諗番轉頭Cindy又有錢又靚女,點解佢要選擇我做佢男朋友,定係我真係佢果陣比肥仔威脅既水泡呢......

「喂!做咩咁愁呀?」呀俊自從番咗屋企之後就成日都春光滿面

「你唔明架啦~」Cindy同Ann都一樣係有錢女,但係Ann又真係選擇咗呀俊結婚

「你唔講我又點明呢?」呀俊擺出一副聆聽者既架子

「係咁架~」我將同Cindy既事換成我朋友,再話比佢知,費事比佢知道之後,忍唔住口知比Chris知啦

「未必個個有錢女都係咁架~」聽完呀俊咁講,我仲唔開心......

我係心裏面抖咗一啖氣,而家唯有等啦,今日做野果陣都係呀俊自己講~自己笑,我完全冇心機埋佢,只好用工作麻醉自己,唔好比自己亂諗野



「我走啦~」雖然都冇乜心情,但係循例都要既~

今日全日既心情都好差,所以一收工就返屋企,邊到都唔想去,尋晚發既果個夢太真實啦,我不斷反覆地諗起個夢既場境

一入到門口見到Chris已經坐咗係梳發睇緊電視

「你今日咁早返到黎既?」平時都係我早過佢番到屋企,今日咁奇怪既

「um...今日我有啲重要事,所以就早少少放工呀」聽佢講野既語氣,佢今日心情好似唔錯咁

我入房將書包放低就拎衫去沖涼,今日實在太攰啦,要沖涼等自己清醒下,唔好再亂咁諗野Cindy唔會背叛我傢

「呀賢...你咁早沖涼既?」Chris見到我拎住衫行去廁所有啲驚訝



「係呀...今日大塵呀」我對係Chris露出一個牽強既笑容

「嗯嗯!你快啲沖完出嚟喎」Chris今日好似奇奇怪怪,成個人都好似好開心

沖完涼出黎,好似心情並冇比較好,當我諗住行番閃房時Chris叫停咗我

「呀賢你過嚟呀,我有啲野想比你」Chris旁邊多咗一個用袋裝住既身體

Chris會有啲咩比我呀?真係奇怪

「係過黎打開呢個睇袋呀」Chris好興奮咁拍一拍身旁既物體

「嗯?呢一舊野?」我疑惑地指住

「係呀,快啲拆開佢啦」Chris好似好興奮咁等我拆開



「哇!!!!呢個.......?」我驚訝到合唔閉口,我居然見到一部全新既PS5係我面前呀,我係咪發緊前呀

「點解既!?」

「係我送比你既禮物呀」Chris好開心咁同我講

「點解你買到傢,真係比我既?」真係不可思議呀,Chris居然送左部難買到pk既PS5比我呀

「果次聽到你同呀希講,你話自己好想要,想要到癲,咁我見你呢排都好似悶悶不樂,特別係尋晚開始就成個人都冇曬精神,我雖然唔知你煩惱緊咩事,但我想你可以開心心...」係Chris未講完,我已經攬住左佢,我已經分唔清係因為有人咁關心我既感動,定係收到PS5開心得濟

「呀賢,你唔好攬到我咁實啦」Chris比我攬實到要拍拍我,等我唔好攬咁緊

「可唔可以比我攬多一陣」呢一刻我真係好需要一個人可以比我攬一攬...



「嗯嗯,可以呀」Chris溫柔咁同我講,再輕輕攬住我