「你地頭先去左邊啊?睇睇下波唔見左人嘅。」坐我後面的Kitty問。

「我地同小食部啊姐開火。」我說。

「吓,冇啦啦開咩火。」

我把剛才發生的事告訴她。

「個啊姐都幾衰,不過你地真係諗住投訴佢?有用咩?咁小事不如算啦。」Kitty說。





小事?其實這一件事已經不是單純五毫子的事,而是公道的問題。

剛想到這裡,老師就進來了。

接下來的兩堂,我還是在想剛才的事,想起啊姐那副死人嘴臉,越想越生氣。

我以後都不想再光顧小食部,食物質素又差,啊姐態度惡劣。

不過我們真的可以罷食嗎?要去食飯就得行十分鐘到附近的屋村。





以前都聽說過其他人對於小食部的批評,不過沒有人會付諸行動杯葛,大家都是說完就算,第二天還是如常光顧。

畢竟在這學校裡,它就是獨市,我們沒有選擇,難道可以不吃嗎?

現在我終於明白那些飽受啊姐欺凌,被小食部所害的人的感受,就是被逼硬食。或許,小食部到此時此刻還是沒有改善是因為以前沒有人投訴。

有些事情,就是當事人犧牲自己啞忍作罷,最後不了了之。

可是,悲劇總會在別人身上重演,到時候又有下一個受害者,像Lily這種怕事的學生很容易就受害。
上堂的時候我都沒心機聽老師講書,滿腦子都是想著等一下去學生會投訴,把事情一五一十講清楚。





到了下課的時間,我行過去Lily的座位,打算跟她一齊走。

我站在Lily前面催促她快點:「Lily,快啲執埋野,我地要落去學生會喇。」

「吓?我地真係要去啊,不如算啦。」Lily看來有點害怕。

「算咩啊,唔可以算啊,佢咁樣蝦你。」我有點激動。

「唉,我都唔想追究呢件事喇,唔好咁麻煩啦。」Lily一臉哀求。

「做咩事啊你地?」Emily毫不知情,可是她也走了過來,可能我講話的聲音太大。

Kitty一臉不耐煩走來:「你地仲講緊小食部件事?」





「佢啊,明明比人蝦,都唔幫自己出句聲。」我嘗試解釋情況。

「我真係唔想搞到咁麻煩啊。」Lily細聲講。

「係囉,其實好小事姐,嗰少少錢,我比你啦。」Kitty說。

「唔係錢嘅問題,小食部個啊姐係咁話Lily同我,又唔肯認錯,呢件事唔係單純嗰五毫子嘅事,係道理嘅問題。」我激動到拍枱。

「唉,你冷靜啲先。」Kitty急忙說。

她輕拍著我的肩膀,試圖平息我的怒氣。

「唉,好啦好啦,計我話,不如Lily一齊落去學生會,睇下佢地會唔會幫到手啦?」

「好啦,淨係今次咋。」Lily逼於無奈。





「我地要唔要一齊去?」Emily問Kitty。

「算啦我地都幫唔到手,況且我放學有野要做啊。」

「哦,咁算啦,你地兩個再update我地啦。」Emily說。

於是,我拖著萬般不願的Lily走到地下,一到地下就見到Robin。
「Robin,等左好耐?」我說。

「唔係啊,我地過去啦。」

我點點頭。